Festak eztanda egingo du Meipin hurrengo asteburuan
Hilaren 24tik 26ra ospatuko dituzten jaietarako dena prest du Meipiko Jai Batzordeak. Egitarau zabala prestatu dute, adin tarte guztiei begirakoa.
Iazko jaietan auzotarrek ateratako familia argazkia. Festa usaina du jada Meipik, auzotarrek hasi dute atzera kontaketa, hurrengo asteburuan (hilaren 24tik 26ra) hasiko baitira auzoko jaiak. Meipiko Jai Batzordeak barrutiko eragile eta elkarteekin batera egitarau zabala prestatu du aurtengo jaietarako. Behean osorik kontsulta daiteke.
Bide batez, Jai Batzordeak gogorarazi du gaur (hilak 16) dela alkate txikiak aurkezteko azken eguna. Alkate txikien bila dabiltza, eta horretarako herriko artista txikiak marrazki bat egitera deitu dituzte, aipatutako hautagaitza hori aurkezteko. Bi irabazleak (zozketa bidez aukeratuko dituztenak) txupinazoan izango dira, jaiei hasiera ematen. Lotura honetan informazio guztia kontsulta daiteke.
Ostirala (hilak 24):
- 17:30: Haurrentzako jolasak eta tailerrak, Kuadrillategiren eskutik.
- 18:45: Elektrobuiaka elektrotxaragaren emanaldia Meipin, Kuadrillategik antolatuta.
- 19:00: Pasai Txaranga auzoan barrena ibiliko da.
- 19:45: Omenaldia egingo diote Joaquin Azpillaga ‘Txintxo’-ri. Lintxua Dantza Taldekoek agurra dantzatuko diote.
- 20:00: Jaien hasiera alkate txikiekin. Jarraian, buruhandiak eta Pasaia Txarangako kideak ariko dira.
- 22:00: Puro Relajoren kontzertua. Jarraian, DJ Kabuxa.
Larunbata (hilak 25):
- 11:00: Toka txapelketa.
- 11:30: Patata tortilla txapelketa.
- 12:00: Kantujira auzoan barrena.
- 12:00: Muxikoak Meipin.
- 16:00: Mus txapelketa.
- 17:00: Haur jolasak, RK Gazte Elkartearen eskutik. Jarraian, askaria.
- 18:30: Herri danborrada Meipi Band Txarangarekin.
- 20:30: Burrunba elektrotxaranga.
- 23:00: DJ Naza.
Igandea (hilak 26):
- 11:30: Kalejira Itsas Mendiko txistulariekin.
- 13:00: Kostantzia Itsas Mendiko Bandaren kontzertu mexikarra.
- 14:30: Herri bazkaria, Komando Zuritoren laguntzarekin
- 16:30: Rifaren zozketa. Jarraian, bingoa.
- 18:00: Erromeria 3ttu taldearekin.
- 21:00: Jaien bukaerako traka botako dute.
