Xorrola zerbitzua, Arraguako festetako lehen gauerako
Bihar hasiko da festetako astebururik oparoena. Lehenengo gauean, orduero aterako da autobusa, eta auzo guztiak lotuko ditu.
Pasa den asteko aperitiboaren ondoren, bihar hasiko da Arraguako festen egitarauaren zatirik mardulena. Festa giroa nagusituko da, eta gauerako musika eskaintza oparoa antolatu dute auzotarrek.
Herriko gainontzeko auzoetatik joango direnek izango dute modu seguruan bueltatzeko aukera. Izan ere, udalak Xorrolaren gaueko zerbitzua aktibatuko du.
Autobus bat aterako da orduero auzotik, 01:00etatik 05:00etara, eta gainontzeko auzoetara joango da. Xanistebanetako ibilbidea egingo du herri barruko autobusak. Honakoa izango da:
- Arragua (irteera): Lartzabal etxadiko geltokia (farmaziaren ondoan).
- Mendin: Frontoi gaineko geltokia.
- Elizalde: Biblioteka ondoko geltokia.
- Gurutze: Bizardia plazako autobus geltokia.
- Ergoien: Tornola kaleko autobus geltokia.
- Altzibar: Zokoloko zubia.
- Karrika: Plazako autobus geltokia.
- Iturriotz: Beko soro pareko autobus geltokia.
- Ibarre: Gasolindegiko geltokia.
- Elizalde: Pikabeneko geltokia.
- Ugaldetxo: Intxixu pareko autobus geltokia.
Larunbatean ez da zerbitzurik egongo, Ekialdebusen ohiko gaueko zerbitzua egongo baita martxan.
Egitaraua
- Hilak 17, ostirala
- 14:00etan: Jubilatuen bazkaria, Aldegunan.
- 18:00etan: Txupinazoa, Adegunan. Agurra dantzatuko dute, eta ondoren Lartaungo txistulariak eta buruhandiak ibiliko dira.
- 18:45ean: Haur jolasak eta Holi Fest!
- 20:00etan: Elkarretaratzea, auzoko frontoitik hasita.
- Ondoren: Bertan afaltzeko aukera.
- 22:30ean: Elektrotxufla, auzoan zehar.
- 00:00etan: Nikotina taldearen kontzertua.
- Jarraian: Dj Zator.
- Hilak 18, larunbata
- 10:30ean: Pilota partidak, Oiarperen eskutik.
- 12:00etan: Oidultz dultzaineroen kale buelta.
- 14:00etan: Herri bazkaria, eta zozketak, bingoa…
- 18:30ean: Zurrounk.
- Ondoren: Bertan afaltzeko aukera.
- 21:30ean: The Kick Kats.
- 23:00etan: Dj Bull.
- Hilak 19, igandea
- 09:00etan: Meza.
- 10:00etan: Diana, Lartaungo txistulariekin.
- 11:00etan: Kalejira, Haurtzaroko dantzariekin eta erraldoi eta buruhandi txikiekin.
- 11:00etatik 14:00etara: Puzgarriak.
- 12:00etan: Toka txapelketa.
- 17:00etan: VIII. Bizkotxo txapelketa (ordurako entregatu behar dira pilotalekuan).
- 17:00etan: Kiki, Koko eta Moko pailazoak.
- 18:00etan: Txokolate-jatea, bizkotxoen dastaketa eta sari-banaketa.
- Festak bukatzeko, zezen-suzkoa.
