Itsasotik ekarri dute festa Zabarrek eta Maria Labaienek
Zientoka pirata txikik behar bezalako hasiera eman diete mendekosteei. Portua eta Gurutze Santuaren plaza, jendez eta festaz gainezka.
Ontziz heldu dira gaurko bi protagonistak. Urteroko ohiturekin jarraituz, ontziz ekarri dute festa Zabarrek eta Maria Labaienek. Behar bezalako harrera egin diete piratari eta sagardogileari portuan esperoan ziren zientoka pirata txiki eta handiek. Herria festarako gogoz dela erakutsi dute etorreran, baita gero Gurutze Santuaren plazan. Lepo beteta utzi baitute lezoarrek, alkate txikien pregoia entzuteko irrikaz. Hasi da festa Lezon, hasi dira mendekosteak!
Festa egunei behar bezala aurre egiteko sabelak beteko dituzte berehala herritarrek, urteroko afari autogestionatuan (21:00etan). 23:00etan, Itzal taldearekin erromeria izango da Karlos Saldise plazan, gaueko ordu txikiak arte.
Jarraian jaien hasieran HITZAk ateratako irudiak:
Lezoko mendekosteak
Maiatzak 17, ostirala
- 21:00: Herri afari autogestionatua, Gurutze Santuaren plazan.
- 23:00: Erromeria Itzal taldearekin, Karlos Saldise plazan.
Maiatzak 18, larunbata
- 09:00: Motozaleen elkarretaratzea, Itzel kafetegiaren ondoan. Jarraian abiatuko dira.
- 09:30: Diana eskualdeko dultzaineroekin.
- 10:30: Artista egun batez haurrentzako tailerrak, Karlos Saldise plazan.
- 12:00: Buruhandi eta erraldoien kalejira Munttar Txistulari Taldearekin, Bekoerrota kiroldegitik abiatuta. Jarraian, Bidasoko eta Lezoko erraldoien topaketa, Gurutze Santuaren plazan.
- 12:00: XX. mende hasierako erromerien dantzak herrian zehar.
- 13:00: Tomas Garbizu Lezoko Musika Eskolako bandaren kontzertua eta Lezoko Dantzazaleen emanaldia, Gurutze Santuaren plazan.
- 16:00: Truk txapelketa, Tiñelu elkartean.
- 16:30: Euskal TikTok dantzak, Gurutze Santuaren plazan.
- 17:30: Arkirun Klubeko pilota eskolako finalak Josetxo Etxandi pilotalekuan.
- 18:30: Hamarru elektrotxaranga herritik zehar, Karlos Saldise plazatik abiatuta.
- 18:30: Sukaldaritza lehiaketa Goiko plazan.
- 18:30: Buruhandi eta erraldoien kalejira Munttar Txistulari Taldearekin, Bekoerrota kiroldegitik abiatuta.
- 19:00: Aiton Bordaren eskutik FlashMob, Gurutze Santuaren plazan.
- 19:30: Haurrentzako berbena Revoltijo taldearekin, Gurutze Santuaren plazan.
- 22:30: Zezen suzkoa, Gurutze Santuaren plazan.
- 23:00: Techno gaua, Gurutze Santuaren plazan.
- 23:30: Kontzertuak, Karlos Saldise plazan: Raimundo el Canastero, Etxepe eta DJ Fresa Morango.
Maiatzak 19, larunbata
- 09:30: Diana eskualdeko dultzaineroekin.
- 11:00: Jolasak: Abentura pirata, Karlos Saldise plazan.
- 11:00: Gazte sortzaileen azoka, Karlos Saldise plazan.
- 12:00: Herri kirolen erakustaldia, Gurutze Santuaren plazan. Onintze Zumeta eta Lierni Osa harria jasotzen; eta Arkaitz Etxebeste eta Aratz Mugerza aizkoran.
- 12:30: Buruhandi eta erraldoien kalejira Munttar Txistulari Taldearekin, Karlos Saldise plazatik abiatuta.
- 17:00: Altxorraren bila. Irteera Gurutze Santuaren plazatik. Jarraian, egurrezko jolas erraldoiak, Gurutze Santuaren plazan.
- 19:00: Dantza emanaldiak Osa+Mugika taldearen Bueltaxka eta DAB taldearen Noed emanaldiekin, Goiko plazan.
- 21:45: Zezen suzkoa Tomas Garbizu Lezoko Udalaren Musika Eskolako bandarekin, Gurutze Santuaren plazan.
