Kaleratzearen kontra bildutako sinadurak entregatuko dizkiote bihar Portuko Agintaritzari
Eskalerillaseko bizilagunak eta Oarsoaldeko Etxebizitza Sindikatuko kideak portuan izango dira bihar. Arratsaldean jarri dute hitzordua.
Pasaiako Portuko sarreran bilduko dira bihar Eskalerillaseko bloketik kaleratu nahi dituzten bizilagunak. Borroka hasi zutenetik bezala, Oarsoaldeko Etxebizitza Sindikatuko kideen babesa izango dute familiek. 19:00etan jarriko dute hitzordua, portuko sarreran (Herrera kalea).
Bertan, besteak beste, bizilagunei ez dietela bizitoki aterabiderik eskaini salatuko dute eta deialdia azken hiletan bildutako sinadurak entregatzeko probestuko dute. Portuko Agintaritzari entregatu nahi dizkiote bihar.
Bide batez, datorren ekainaren 1ean egingo duten manifestaziora joateko deia egin du sindikatuak. Bizilagunen egoeraren aurrean eta “instituzioen fartsaren” zein “etxebizitza merkantzia gisa ulertzen duten enpresari eta politikarien aurrean”, kalitatezko etxebizitza doakoa eta unibertsala aldarrikatu dut ekainaren 1ekoan, baita etxegabetze guztien “suspentsioa” ere.
