Lizeo Eguna ospatuko dute igandean
Pasai Donibaneko eraikin nagusian izango da festa, egun osoko egitaraua ondo du ikastolak.
Iazko festako irudi bat. Igande honetan (hilak 26) Lizeo Eguna ospatuko dute Pasaia-Lezo Lizeoa Ikastolako atzoko eta gaurko ikasle, irakasle eta langileek. Pasai Donibaneko eraikin nagusiak jasoko du festa, egun osoko egitaraua ondu dute, “betea”, ikastolako iturrien arabera.
Ikuskizun nagusian HHko, LH 2ko, LH 3ko, LH 6ko eta DBHko ikasleek parte hartuko dute. Gotzon Poza ikasle ohiak egindako koreografia eskainiko dute ikasleek, goiko zein beheko pistetan.
Emanaldi hauek bukatu ondoren, omenaldien txanda helduko da. Lehenik, 1988ko promozioko ikasleak omenduko dituzte eta ondoren, aurten euren ibilbidea bukatuko duten neska-mutilei agur esango diete. Ikasturte honetan erretiroa hartuko duten hiru langileei ere merezitako omenaldia egingo diete.
Aurten, berritasun gisa, urmaela ezagutzeko bisita gidatuak izango dira.
Igandeko egitaraua:
- 10:00-11:00: Dantzarien harrera eta familientzat kafe eta opil postuak ikastolako guneetan.
- 11:00: Emanaldien hasiera: ‘Ur bizia’.
- 12:00: Omenaldien hasiera, beheko pistan.
- 12:30: Taberna zabalduko dute beheko pistan. Ogitartekoak eta bestelakoak eskainiko dira bertan.
- 12:30-13:30: Batxilerkogo ikasleen erakusketa, Antzerki gelan. Urmaela bisitatzeko aukera izango da tarte horretan ere.
- 13:30: Haurren bazkaria, jangelan. Bukatzean, haurrentzako ekintzak eta haurtzaindegia.
- 14:30: Helduen bazkaria, jangelan. Ondoren, 17:00ak arte, bingo musikatua, jangelan.
