Euskal Herria eta Argentinaren arteko sareak ehunduko dituzte aurten
Datorren ostegunean abiatuko dute aurtengo Gora Herriak jaialdia. Hamabost egunez, bi herrialdeen arteko sareak ehuntzen ariko dira sanjuandarrak, askotariko ekitaldi eta ekintzekin.
Iazko jaialdiaren irudi bat. Datorren ostegunean (hilak 30) emango diote hasiera Donibaneko Bixi Bixi elkarteak antolatutako Gora Herriak jaialdiari. Euskal Herriaren eta munduko beste herrialdeen arteko sareak ehuntzeko hamabost eguneko dinamika abiatuko dute ostegunean sanjuandarrek. Argentina izango da aurtengo gonbidatu eta protagonista nagusia.
Ekainaren 15era bitarte luzatuko duten egitarauaren barruan, askotariko ekitaldiak izango dira: hitzaldiak, ikuskizunak, dantza ikastaroak, kantaldiak, mahai inguruak…. Ia egunero zerbait izango da. Ekainaren 15ean (larunbata da) bukatuko dute aurtengoa, eta ordurako festa egun handia prestatu du Bixi-Bixik.
Behean aurtengo egitarau osoa kontsulta daiteke.
Egitaraua
- Hilak 30 (osteguna):
- 19:00: Euskaldunak Ameriketan. XIX. mendeko migrazioa eta gaur egungo diaspora izeneko hitzaldia eskainiko dute Oscar Alvarez historialariak eta Julieta Gaztañaga antropologoak. Azken hau Argentinan izango da, Buenos Airesetik konektatuko da hitzaldira.
- Ekainak 1 (larunbata):
-
- 19:30: Onbuaren itzalean, karidadeko benta ikuskizun artistikoa, Jon Maiak gidatua. Patxi Biskeretek zuzendariaren esanetara ariko dira Joseba Usabiaga eta Sara Cozar aktoreak eta Maddalen Arzalluz eta Andoni Egaña bertsolariak.
-
- Ekaina 4 (asteartea):
- 19:00: Argentina XX. mendean: bidaia malkartsu baten kronika hitzaldia eskainiko dute Damian Pedrosa Hernaniko argentinarrak eta Roberto Mendoza preso eta erbesteratua. Azken honek Argentinatik eskainiko du hitzaldia, zuzenean.
- Ekainak 6 (osteguna):
- 19:00: Oroimen etorkizunez beteriko arma hitzaldia eskainiko dute Martin Mozek eta Alberto Barandiaranek.
- Ekainak 7 (ostirala):
- 19:00: Dantza ikastaroa (Chaccarera eta bestelakoak).
- Ekainak 8 (larunbata):
- 19:30: Kantaldia eta ikuskizuna izango dira Juanba Berasategi aretoan.
- Ekainak 10 (astelehena):
- 19:00: Neoliberalismoa Argentina zigortzen titulupean, dokumentala eta mahai ingurua. Mate dastaketa ere izango da solasaldian zehar.
- Ekainak 13 (osteguna):
- 19:00: Maputxeen aurkako sarraskiak eta egungo egoera hitzaldia eskainiko du Asel Luzurraga idazleak.
- Ekainak 15 (larunbata):
- 11:30: Apar festa Meipin.
- 13:00: Pasaia Txarangarekin poteoa eta dantza.
- 14:15: Bazkaria: Parrillada argentinarra.
- 15:00: Zurru Murru zirku eskola, haur eta gaztetxoentzat.
- 17:00: Ekitaldi nagusia: bettsolariak payadores-ak, dantza argentinarrak eta bestelakoak.
- 18:00: Kantaldi-dantzaldia Juan del Monte talde folkloriko argentinarrarekin.
- 19:00: Elektrotxorongo elektrotxaranga.
- 21:00: DJa.
