Kirola eta euskara, ekainaren 5eko mahai-inguruan
Maialen Pikabea, Mikel Azkune eta Mikel Labakak kirolean euskarak duen tokiaz gogoeta egingo dute Gezalan, Arritxu Iribarren gidaritzapean.
Lezo Euskaragarri prozesuaren barruan hainbat izaten ari dira udalak eta herrigintza eragileak antolatzen ari diren ekitaldiak. Horietatik hurrena ekainaren 5erako (asteazkena) prestatu dute: kirolaren eremuan euskarak duen, eta izan beharko lukeen presentziaren gaineko gogoeta egingo dute herriko, ondoko herriko, eta Gipuzkoako hiriburuko taldeetan dabiltzan hainbat kidek. Gezala Auditoriumean izango da solasaldi formatuko ekitaldia, 19:00etan hasita.
Herriko ordezkaria Allerru Kirol Elkarteko Maialen Pikabea izango da. Ondoko herrikoa, berriz, Touring Kirol Elkarteko zuzendaritza batzordeko kide Mikel Azkune; hiriburuko ordezkaritza, zehazki Realarena, Mikel Labaka futbol jokalari ohi eta egun Realaren gizonen talde nagusiko bigarren entrenatzailearena izango da, azpeitiarra hura. Kirola eta euskara izenburuko mahai-inguruan bilduko dira, eta ziurrenik futbolaren ikuspegitik eutsiko diote gaiari. Arritxu Iribar Euskadi Irratiko kirol esataria izango da solasaldiaren gidaria.
Gezalara sartzea doan izango da. Baina aforoaren kontrola eramateko erreserba egin behar dute han izan nahi dutenek.
