Igerilekuko ura noiz berotuko zain
Asteartean matxuratu zen bonba konpondu dutela jakinarazi du udalak. Urak tenperatura optimoa lortu arte ezin izango da bainua hartu.
Pasa den asteartean, Elorsoro kiroldegiko igerileku handiko bonba handia matxuratu. Ondorioz, ordutik ezin da bertan igeri egin.
Oiartzungo Udalak jakinarazi duenez, bonba hori konpondu dute dagoeneko, baina ordu batzuk itxaron beharko dira oraindik. Izan ere, igerilekuko ura ez da oraindik tenperatura optimora iritsi (arratsaldeko 16:00ak inguruan).
27 gradura iritsi behar du urak, eta momentu horretara iristen denean irekiko dute bainurako. Arratsalde honetan izan daiteke, baina baita bihar ere. Kloroa ere bere ohiko maila iritsi behar da, igerilekua irekitzeko.
Matxuraren ondorioz, ikastaroak bertan behera geratu ziren. Horregatik, atzeratzea erabaki zuten: ekainaren 10eko astean izango dira ikastaro horiek, Elorsoro kiroldegiko arduradunek jakinarazi asteartean bertan zutenez.
