Gomazko paletako Herriartekoko itzulikoak, larunbatean
Oiartzuarrek tolosarren kontra jokatuko dute fasez pasatzeko txartela, Haurtzaroko pilotalekuan. Zaila dute aurrera egitea.
Herriartekoa ari da etapak ixten. Paleta eta gomazko pilotarekin jokatzen den modalitatea final zortzirenetan sartuta dago, eta asteburu honetan jokatuko dituzte fase horren itzuliko partidak.
Oiartzuni Tolosa tokatu zaio aurkari moduan. Pasa den asteburuan jokatu zituzten joanekoak, Beotibarren, eta gauzak ez ziren oso ongi atera. 20-5 (bi partida) eta 20-8 galdu zuten oiartzuarrek. Gauzak irauli egin beharko lirateke oiartzuarrak pasa daitezen, baina denetarik ikusi da.
Norgehiagokak Haurtzaro Ikastolako pilotalekuan jokatuko dituzte, bihar goizean. 10:30ean hasiko dira partidak. Banakako, binakako eta banakakoa distantzia motzean jokatuko dituzte Oiartzun eta Tolosa herriak ordezkatzen dituzten pilotariek.
Pala motza eta larruzko paleta batzen dituen txapelketatik kanporatuta, Oiartzunek esku huskako txapelketa hasteke dute. Hurrengo asteburuan izango da, eta Azkoitia edo Hernani izango da arerioa. Asteburu honetan erabakiko da.
Txosten beste partidak
Txosteko pilotariak dira Oiartzun Herriartekoan erreminta modalitatean ordezkatzen dutenak. Klubeko jokalariek ez dituzte txapelketa horretako partidak bakarrik jokatuko. Honakoak izango dira gainontzeko partidak:
- Txost 1 – Zaharrer Segi (Baigorri). Joko Garbia plaza librean. Euskal Herriko Txapelketa. Infantilak.
- Txost – Senpere. Errebotea. Euskal Herriko Txapelketa. Nagusiak, 2. mailan.
- A taldea – B taldea Gomazko paleta binaka jubenilak.
- A taldea – B taldea Larruzko paleta banaka jubenilak.
- A taldea – B taldea. Larruzko paleta binaka jubenilak.
