Tomas Garbizuko musikariak, Musikaldi jaialdian
Banda, orkestra, nahiz trikitixa eta akordeoi taldeak izango dira larunbatean Tolosa eta Ibarra artean egingo den musika jaialdian.
Besteak beste, banda ere izango da Musikaldi jaialdian. Larunbatean (hilak 25) izango da, Tolosa eta Ibarra artean, 2024ko Musikaldi jaialdia. Euskal Herriko musika eskolen festa da. Tomas Garbizu Lezoko Udaleko Musika Eskolak presentzia nabarmena izango du han. Izan ere, bertako orkestrak, bandak, akordeoi eta trikitixa taldeek parte hartuko dute Musikaldi jaialdian. Lezoko dozenaka musikari joango dira hara, beraz. Musika eskolatik lezoarrei deia egin diete musikaren festara joan daitezen, Lezoko musikariek nahiz Euskal Herriko beste herrietakoek egiten dutenaz gozatzera.
Tolosa eta Ibarrako hainbat tokitan izango dira jaialdiaren barruko emanaldiak. Tomas Garbizutik, lezoarrek egingo dituzten emanaldien berri eman dute:
- 11:15ean, Tolosan, akordeoi orkestraren kontzertua. 12:00etan kalejira.
- 11:15ean, Ibarran, trikitixa taldean kontzertua. 12:00etan kalejira.
- 11:15ean, Ibarran, bandakoen emanaldia.
- 11:15ean, Ibarran, orkestraren saioa.
