'Depolvoeres' antzezlana, maiatzeko eskaintza
DesAires konpainiak datorren igandean taularatuko du lana, Oiartzungo Antzerkizale Elkarteak antolatutako saioan.
Xabi 'Jabato' Lopez oiartzuarra da antzezleetako bat. Antzerki denboraldia pixkanaka bukatzen ari da, eta datorren igandean —hilak 26— izango da maiatzari dagokion antzezlana. Oiartzungo Antzerkizaleen Elkarteak antolatuta, Desaires konpainiaren Depolvoeres ikus ahal izango da Landetxe auditorioko oholtzan.
Ohi bezala, 19:00etan hasiko da emanaldia, eta sarrerak salgai daude, 8 euroan. Horretarako udalaren sarreren webgunera jo beharko da.
Ordubeteko antzezlana da, “keinuduna eta poetikoa”. Antzerki fisikoan oinarritutako obra absurdoa da.
Sinopsia
Koherentziarik gordetzen ez duen ezkutatutako kaxa honetan, gizon baten memoria zaharkitua daukagu. Bere isla aurki genezake, kaiola ilun baten zoruan.
Kabituko ote dira ametsak maleta batean?
Badatorkigu…
“Hautsaren munduan, denbora ez da alferrikakoa”
Fitxa teknikoa
- Zuzendaritza: DesAires Teatro
- Aktoreak: Julia Bulmer, Jean François Paco Meuwly, Xabi Jabato Lopez.
- Musika: DesAires Teatro.
- Eszenografia / Atrezzoa: DesAires Teatro.
- Dossieraren diseinua: Josefina Charadia.
- Laguntzaileak: Theaterhaus Mitte Berlin.
- Formatua: 7/7/5 (aretoa).
- Iraupena: 60 minutu.
