[Galeria eta bideoa] Herriko kaleak hartu ditu Burubeltz konpartsak
11 Kolore kutur aniztasuna lantzeko jaialdiaren baitan, kalejira egin du konpartsak herriko kaleetan barrena. HITZAk ekimenaren hainbat irudi jaso ditu.
Argazkia: Garazi Agirresarobe. Aurrera doa 11 Kolore kultur aniztasuna sustatu eta “elkarrekin gozatzeko” jaialdia. Hilaren 13an ekin zioten, eta datorren asteazkenera, 29ra, arte luzatuko dute. Askotariko jarduerak ari dira egiten; arrazakeria, nahiz gorputz eta hizkuntza aniztasuna gastronomia, dantza, musika, zinea, edota haurrentzako jardueren bidez lantzeko.
Gaurkoan, arratsaldeko 17:00etan, Burubeltz konpartsak herriko kaleak hartu ditu. Herriko plazatik abiatuta, erdiguneko kaleetan ibili da kalejiran, eta Zumardian bukatu du. HITZA bertan egon da, eta giro apartaren hainbat irudi jaso ditu.
11 Kolore jaialdiaren egitaraua, bihar larunbata (hilaren 25): Dantza jardunaldia Zumardian
- 12:00etan: Bachata dantza klasea.
- 13:00an: Salsa dantza klasea.
- 14:15ean: Proyecto Son musika kubatar taldearen kontzertua.
- 16:00etan: Bachata dantza klasea.
- 17:00etan: Boogaioo dantza klasea.
- 18:00etatik aurrera: DJ emanaldia.
