Emaitz Murua, seigarren Antzuolako saioan
Gipuzkoa Bertsotan txapelketaren bigarren itzuliko saioa izan zuen larunbatean Xenpelar Bertso Eskolako kideak.
Antzuolan izan ziren bertsolariak. Eskuinetik bigarrena da Murua. Gipuzkoa Bertsotan lehiaketako bigarren itzuliko saioa izan zuen Emaitz Murua Arzallus oreretarrak hilaren 25ean, Antzuolan. Han izan ziren sei bertsolarietatik seigarrena izan zen, 288,5 punturekin. Irabazle Oihana Arana Cardenal, 353,5 punturekin.
Gauzak horrela, zail izango du Muruak Gipuzkoako Bertsolari Txapelketara (udazkenean da egitekoa) sailkatzea, Gipuzkoa Bertsotan-en bigarren fasean diren 48 bertsolarietatik 34k egingo dutelako aurrera Gipuzkoako Txapelketara. Hala ere, bigarren itzuli honetako hainbat saio egiteke daude oraindik, eta ikus beharko ea 34 horien artean sartzerik duen.
Bestalde, Gipuzkoa Bertsotan-en saioa jaso zuen Donibaneko Juanba Berasategi aretoak larunbatean. Han, Ane Zuazubizkar Iñarra izan zen onena, Unai Izagirre Etxeberriaren aurretik. Saio horretako informazioa, hemen klik eginda.
