Ove izeneko gizon bat, Landetxen
'Un hombre llamado Ove' filma eskainiko dute bihar arratsaldean, Zaintzadik antolatuta. 2016ko Oscar Sarietan bi izendapen jaso zituen.
'En man som heter Ove' filmaren fotograma. Eskandinaviako filmak maite dituenak bihar izango du Oiartzunen bat ikusteko aukera. Pantaila handian, gainera. Un hombre llamado Ove Suediako filma emango dute bihar arratsaldean, ostegunetako usadioari jarraituta. Zaintzadik antolatu du zinema emanaldia.
Emanaldia 19:30ean hasiko da, eta sarrerak salgai daude udalaren sarreren webgunean, 3 euroan. Hannes Holmek zuzendu zuen filma, Fredrik Backmannek izenburu berdineko (En man som heter Ove, suedieraz) liburuan oinarrituta.
2016ko Oscar Sarietan bi izendapen jaso zituen: Nazioarteko Film Onenarena eta Makillaje Onenarena. Beste hainbat aitortza ere jaso ditu, tartean Europako Zinemaren Sarietakoa, Komedia Onenaren kategorian.
Argudioa
Ove Lindahl (Rolf Lassgård) 59 urteko gizon alargun eta ozpindu bat da, jada mundua eta jende guztian fedea galdu duena, baita bere buruan ere. Baina familia berri bat bere etxe alboan bizitzen jartzen denean, Ovek gizakia eta gizarteari buruz duen ikuspegi ezkorra aldatuz joango da.
