Pista berriak inauguratu ditu Oarso Boleibol Taldeak
Beraungo pilotalekuko pista balioaniztunean hiru pista berri prestatu ditu udalak boleibolean aritzeko. Ostiralean inauguratu zituzten pista horiek Oarso Eskubaloi taldeko jokalariek eta familiek.
Oarso Boleibol taldeko jokalariak ostiralean pistak inauguratzen. Argazkia: Oarso Boleibol Taldea Partidak jokatzeko leku egokia izango du aurrerantzean Oarso Boleibol Taldeak. Beraungo pilotalekuko pista balioztunean hiru pista berri prestatu dira boleibolean aritzeko, udalaren esku hartzeari esker; pista bakoitzak bere ekipamendua du. 8.000 euro bideratu ditu horretara udalak, eta egindako hobekuntzei esker, instalazio horiek modu intentsiboagoan erabili ahal izango dira herriko boleibol elkarteak entrenamenduak eta lehiaketa partidak jokatu ahal izango dituelako udatik aurrera.
Ez da udalak egin duen hobekuntza bakarra. Izan ere, Koldo Mitxelena Institutuaren instalazioetan 3.300 euroko ekipamendua jarri du eta gimnasioa erabiltzeko ordutegia zabaldu, klubeko talde berrien entrenamenduak bertan egin ahal izateko datorren denboraldiari begira.
Beraungo pilotalekuko pista berriak, ostiralean inauguratu zituzten Oarso Boleibol Taldeko jokalariek eta haien familiek.
Ondoko argazkiak, Oarso Boleibol Taldearenak dira.
