Hasi da festa morea!
Sanpedroei ongietorria eman dien suziria bota dute gaur arratsaldean. Igandera bitarte, gozatzeko eta ospatzeko hamaika modu izango dira.
Gaurko txupinazoaren ondorengo irudi bat. Festarako gogotsu zirela erakutsi dute gaur sanpedrotarrek, behar bezalako ongietorria egin baitiete sanpedroiei. Eguraldia lagun izan ez bada ere, jendetza bildu da barrutiko Herriko Plazan gaur arratsaldean, San Pedro Jaien hasieraz gozatzeko irrikaz. Urtero bezala, ortzadar banderaren igoerarekin batera heldu da festa. Jose Inazio Murua arduratu da aurtengo suziria botatzeaz, harro eta hunkituta bota du. Igandera arte, denetik izango da herri morean.
Txupinazoa bota aurretik, motorrak berotzen aritu dira sanpedrotarrak. Merienda, erraldoi eta buruhandien desfilea, futbito zein saskibaloi txapelketak, haurren danborrada… Ez da aspertzeko aitzakia eta tarterik izan, eta datozen orduetan ere halaxe izango da, luze joko baitu lehen festa egunak. San Pedroko Jai Batzordeak egitarau oparo eta zabala prestatu du datozen egunetarako. Beheko koadroan osorik kontsulta daiteke.
Jarraian, HITZAk gaurko jaien hasieran jasotako zenbait irudi eta bideo bat:
Egitaraua:
Hilak 27, osteguna:
- 22:00: Helduen danborradak: batzuk Gatzagatik, besteak elizatik.
- 00:00: Danborradak Herriko Plazan elkartuko dira.
- 00:00: Javi DJ portuko oholtzan ariko da.
Hilak 28, ostirala:
- 11:00: Tratu onaren aldeko haur lasterketa, udaleko Eskubidean planaren barrukoa.
- 12:00: Bustiña-Eskama partida frontoian. Jarraian, haurren bazkaria Txokon.
- 15:30-18:30: Tirolina eta yumarra PRoisako estalkian.
- 16:30: Piratakada frontoian (11 urtetik gora).
- 19:30: Toka, bote eta igel txapelketak jubilatuen eskutik Boteron.
- 19:30: Goazen Nait.
- 23:00: Astelehen Goizak taldearen kontzertua.
- 00:30: Delirium Tremens taldearen kontzertua. Ondoren, DJ Ima eta DJ Porrus.
Hilak 29, larunbata:
- 10:00: Diana txistulariekin.
- 11:00: Meza: Licinio Refice. Elizaren 250. urteurreneko meza nagusia egingo dute.
- 11:00: Nesken pala-goma txapelketa frontoian.
- 12:00: Inudeak eta Artzainak (haurrak).
- 18:30: Musika ibiltaria.
- 17:30: Jolasak arraun elkartean.
- 20:30: Haur afari herrikoia.
- 21:00: Afari herrikoia. Postrean, Kantuz saioa egingo dute.
- 23:30: Rockalean. Jarraian, DJ Esam eta DJ Hodi, eta Garimbo.
Hilak 30, igandea:
- 10:00: Porrusalda txaranga. Zuri-gorriz janzteko deialdia egin dute.
- 12:00: Inudeak eta Artzainak (helduak). Ondoren, Vermutekea egingo dute Boteron.
- 17:00: Jolasak, merienda eta diskofesta haurrentzako frontoian.
- 17:30: Esku pilota finala (bigarren mailakoa).
- 18:30: Esku pilota finala (lehenengo mailakoa). Ondoren, Modestorekin dantzaldia egingo dute.
- 20:00: Bokata txapelketa frontoian.
- 23:00: Zezensuzkoa.
