Haurrena izaten ari da gaurko festa eguna
Askotariko jolas, ekintza eta txapelketekin gozatzen ari dira gaur San Pedroko txikienak. Gazte eta helduek ere izango dute zerekin gozatu arratsalde eta gauean.
Gaurko tratu onaren aldeko haur lasterketaren irudi bat. Haurrak izaten ari dira gaurko sanpedroen protagonista nagusiak. Goizetik, askotariko jolas eta txapelketekin gozatu dute San Pedroko txikienek. Lehenik, tratu onaren aldeko haur lasterketa egin dute, Eskubidean planaren barrukoa. Jarraian, futbol partida batek txiki utzi du pilotalekuko harmaila, lagun eta gurasoz inguraturik lehiatu dira Bustiña eta Eskama. Haurren bazkaria izango da gero, eta sabelak ongi bete eta indarrak hartuko dituzte arratsaldeko planari aurre egiteko. Besteak beste, tirolina eta yumar-a izango dira Proisako estalkian, eta 16:30ean Piratakadan ariko dira haur, gazte eta helduak.
Gazte eta helduek ere izango dute zerekin gozatu arratsalde eta gauean. Beheko koadroan gaurko eta datozen egunetako egitaraua kontsulta daiteke.
Jarraian, goizean HITZAk ateratako irudi sorta:
Egitaraua:
Hilak 28, ostirala:
- 15:30-18:30: Tirolina eta yumarra Proisako estalkian.
- 16:30: Piratakada frontoian (11 urtetik gora).
- 19:30: Toka, bote eta igel txapelketak jubilatuen eskutik Boteron.
- 19:30: Goazen Nait.
- 23:00: Astelehen Goizak taldearen kontzertua.
- 00:30: Delirium Tremens taldearen kontzertua. Ondoren, DJ Ima eta DJ Porrus.
Hilak 29, larunbata:
- 10:00: Diana txistulariekin.
- 11:00: Meza: Licinio Refice. Elizaren 250. urteurreneko meza nagusia egingo dute.
- 11:00: Nesken pala-goma txapelketa frontoian.
- 12:00: Inudeak eta Artzainak (haurrak).
- 18:30: Musika ibiltaria.
- 17:30: Jolasak arraun elkartean.
- 20:30: Haur afari herrikoia.
- 21:00: Afari herrikoia. Postrean, Kantuz saioa egingo dute.
- 23:30: Rockalean. Jarraian, DJ Esam eta DJ Hodi, eta Garimbo.
Hilak 30, igandea:
- 10:00: Porrusalda txaranga. Zuri-gorriz janzteko deialdia egin dute.
- 12:00: Inudeak eta Artzainak (helduak). Ondoren, Vermutekea egingo dute Boteron.
- 17:00: Jolasak, merienda eta diskofesta haurrentzako frontoian.
- 17:30: Esku pilota finala (bigarren mailakoa).
- 18:30: Esku pilota finala (lehenengo mailakoa). Ondoren, Modestorekin dantzaldia egingo dute.
- 20:00: Bokata txapelketa frontoian.
- 23:00: Zezensuzkoa.
