Palestinaren aldeko aldarria, Donosti Cup txapelketan ere presente
Fanderiako zelaian jokatutako partidetako batean Palestinako Burj Al-Luqluq SCS taldea aritu da. Jokalariek beraiek zein zelaira bertaratutako hainbat lagunek Palestinaren aldeko aldarria zabaldu dute.
Palestinar jokalariak atzo Fanderian. Palestinaren aldeko agerleku bilakatu zen atzokoan Fanderiako futbol zelaia. Palestinako Burj Al-Luqluq SCS futbol taldeak Jordaniako The Bridge SC taldearen kontra jokatu zuen partida arratsaldean, Donosti Cup txapelketaren barruan. Palestinaren aldeko aldarria zabaldu zuten, bai palestinar futbol jokalariek, baita bertaratu ziren hainbat herritarrek ere. Palestinako banderak, Israeli Boikota egitera deitzen zuen pankarta, palestinar zapiak soinean eta “Palestina askatu” oihuek hartu zuten futbol zelaia.
Kufiyya soinean atera ziren zelaira Palestinako taldeko jokalariak, txalo artean, eta Palestinaren aldeko aldarrien artean. Partida aurretik, zapiak kendu eta banan bana jarri zizkieten Jordaniako taldeko jokalariei, harmailetakoen txalo artean.
0-3 markagailuan partidaren amaieran Palestinako taldearen alde. Garaipena garrantzitsua izango dute, atzokoan Fanderian jaso zuten berotasuna eta elkartasuna bezain garrantzitsua.
Ondoko bideoa, HITZAk eta Orereta Palestinarekin Herri dinamikak atzo Fanderian jasotako irudiekin osatua da.
