Landarbasoko Dizdizka gazte abesbatza Proventzara joango da
Uztailaren 13tik 17ra bitartean izango dira Frantzian. Abesbatzako gazteek Proventzako Nazioarteko Jaialdian hartuko dute parte.
Errenteriako Landarbasoko Dizdizka gazte abesbatza Proventzara joango da uztailaren 13tik 17ra bitartean uztailaren 1etik 26ra ospatuko den Proventzako Nazioarteko Abesbatza Jaialdian parte hartzeko.
Jaialdiaren 27. edizioa izango da aurtengoa, eta atzerriko kalitate handiko abesbatzak biltzen ditu Proventza eskualde osoan zehar kontzertu bira bat eskainiz. Hain zuzen, jaialdi horren helburuetako bat kantu koralarekiko pasioa transmititzea eta kulturen eta talentuen arteko batasuna sustatzea da.
Ildo horretatik, pozik agertu dira Landarbaso abesbatzakoak: “Landarbasoko Dizdizkak Proventzako Nazioarteko Abesbatza Jaialdian parte hartzea aukera zirraragarria da korista gazte hauek beren talentua publiko zabalago batekin partekatzeko eta ekitaldi paregabe honek eskaintzen duen aberastasun kulturala bizitzeko aukera paregabea da”.
Euskal konpositoreen lanak, oholtzan
Publikoak mota askotako abestiak entzun ahal izango ditu jaialdiak irauten duen bitartean; euskal konpositoreenak ere bai. Dizdizkak, oraingoan, Josu Elberdin pasaitarraren ‘Izar ederrak’ konposizioa eta Micahel Baretten ‘Tshela Moya’ obrak interpretatuko ditu, besteak beste.
