Kukaña txapelketan eta goitibeheretan izena emateko epea, zabalik
Herriko jaietako egitarauaren baitan antolatu dituzte bi ekintza horiek. Donibaneko jaiak uztailaren 24tik 31ra izango dira.
Donibaneko nerabe eta gazteak ez dabiltza geldirik; horren adibide dira herriko jaien baitan, uztailaren 26an eta 27an antolatu dituzten goitibehera jaitsiera zein kukaña txapelketa.
Lagunartean gozatzeko lehen ekitaldia goitibehera jaitsiera izango da, uztailaren 26an, 17:00ean, San Roke aldapan. Ekintza honetan parte hartzeko hamar eta hemezortzi urte artean izatea derrigorrezkoa da, eta, horretaz gain, baimen hau eraman beharko dute sinatuta egunean bertan. Antolatzaileek azaldu dute ez dela beharrezkoa goitibehera bat izatea.
Hurrengo egunean, 27an, aldiz, kukaña txapelketaren txanda izango da, 10:00etatik 12:00etara, Santiago plazan. Kasu honetan ere parte hartzaileek hamar urte baino gehiago izan beharko dituzte, eta baimen hau eraman beharko dute sinatuta egunean bertan.
Bi kasuetan izena aldez aurretik eman beharko da Pari Berrin dagoen taulan zein helbide honetara mezu bat bidalita.
