Lau hilabeteko lana xanistebanetako bost egunetarako
Ekitaldiz betetako xanistebanen egitaraua aurkeztu du Oiartzungo Jai Batzordeak. Herritar ala bisitari, denentzat izango da txokoren bat.
Jai batzordeko kideen talde argazkia. Bi aste besterik ez dira falta 2024ko Xanisteban Festak hasteko. Jai batzordeak mimoz prestatu ditu bertan jasota dauden dozenaka eta dozenaka ekitaldiak. Oiartzuar denen gozamenerako izan daitezkeen jarduera sorta prestatzeko lanean lau hilabetez izan dira herriko eragileak, batzordean parte hartuz. Haien lana goretsi du Joana Mendiburu alkateak: “Oiartzungo eragile eta elkarte desberdinetako lagunak, adin eta interes desberdinekoak, ezinbestekoak dira guztiak elkarrekin jai herrikoi, parekide eta euskaldunak antolatzeko lanean”. Abuztuaren 2tik 6ra herrian izango direnak haiei esker egingo dira.
Hitzez bakarrik ez. Ekintzekin ere eskertu du alkateak herriko eragileek jaien alde egindakoa. Horrela, abuztuaren 2ko jaien hasierako soka-dantzara gonbidatu ditu eragile horiek guztiak: “Herriko kaleak kolorez bete eta gustu guztietarako ekintzak antolatzen lanean ibili direnek guztion esker ona merezi dute. Horregatik, aurten, zapi urdina soinean jarri eta udaleko ordezkariek soka-dantzara aterako ditugu, guztiok batera xanistebanei hasiera ezin hobea emateko”.
Horren ondoren, aurten mende erdia bete duen Karrikako Artaso elkarteko kideek izango dute jaien hasiera ofiziala lau haizetara iragarriko duen txupinari su eman, eta hori eztandarazteko bidean jartzeko ohorea. Jai Batzordearen mezua: “Ibilbide luze honetan Karrikako zein herriko jai eta deialdiak antolatzeko egindako lana eskertu nahi diogu Artasori”.
Beheko koadro urdinean, Artasokoek txupina bota ondoren herrian izango direnen zerrenda. Aurretik, ordea, badira hainbat ekitaldi eta ekintza. Horietara iristeko baliatu esteka hau.
2024ko xanistebanetako egitaraua
ABUZTUAK 2, ostirala.
- Arratsaldean zehar: Auzoz auzoko 43. ibilaldia: OIARTZUNGO MUSIKARIZ osatutako taldea ibiliko da auzoz auzo, Xanistebanak hastera doazela iragarriz. Antolatzailea: Oidultz Dultzaina Taldea.
- 18:30ean: AGERRALDI FEMINISTA, herriko plazan. Antolatzailea: Oiartzungo Feministen Asanblada.
- 19:30ean: Udalbatzako kideek SOKADANTZA dantzatuko dute, Herriko Plazan, Haurtzaro Dantza Taldearen, Olarri Dantza Taldearen eta Lartaun Txistulari Taldearen laguntzaz.
- Ondoren: Jai Batzordeak proposatuta, 50. urteurrena duen ARTASO ELKARTEAK SUZIRIA botako du. Kanpai-soinu alaitsuekin batera, jaiak hasiko dira.
- Jarraian: OIARTZUNGO ERRALDOIEN kalejira, herrian zehar, dultzaineroen eta Lartaun Txistulari Taldearen laguntzaz. Antolatzaileak: Soinuenea eta Lartaun Txistulari taldea.
- 20:15ean: Itaiaren partetik eta herriko jendearen parte hartzearekin INDARKERIA MATXISTAREN AURKAKO MURALA Txosnagunean. Antolatzailea: Itaia.
- 20:30ean: XAUKENA TXARANGAK Plaza inguruko bazterrak eta txosnaguneak animatuko ditu. Antolatzaileak: Musika Batzordea.
- 20:30ean: ZIMITIYOKO TXOSNAren irekiera. Antolatzailea: Zimitiyoko txosna.
- 23:00etan: Musika Jaialdia, Txosnagunean. Antolatzaileak: Musika Batzordea
- HERENEGUN
- ZILIBITO RECORDS
- HOFE X 4:40
- 00:00etan: Musika Jaialdia, Done Eztebe plazan. Antolatzaileak: Musika Batzordea.
- ITZAL ERROMERI TALDEA
- 00:00etan: DJ JOTATXO, Zimitiyoko Txosnan. Antolatzailea: Zimitiyoko txosna
ABUZTUAK 3, larunbata, XANISTEBAN EGUNA
- 07:00etan: SOKAMUTURRA, Beheko Plazan. Antolatzailea: Auzokalte Elkartea.
- 07:00etan: GOSARI TXOW, Done Eztebe plazan. Antolatzailea: AIA.
- 09:00etan: GOIZ ERESIA. Antolatzailea: Lartaun Txistulari Taldea.
- 11:00etan: LARTAUN ABESBATZA kantuan eta BEGOÑA BERGARETXE harmoniumean Meza Nagusian Done Eztebe Parrokian.
- Ondoren: 47. KONTZERTU HERRIKOIA, Kontzejupean, Euskal doinu, kanta eta dantzetan oinarritutako emanaldia. Antolatzailea: Lartaun Txistulari Taldea.
- 11:30ean: UR PUZGARRIAK, Landetxe plazan. Antolatzailea: AIA.
- 16:00etan: Madalensoro pilotalekuan, Oiartzungo Auzoen Arteko 36. SOKATIRA TXAPELKETA. Antolatzailea: Artaso Elkartea.
- 17:00etan: IPUIN KONTAKETA 3 urtetik gorako haurrentzat Ane Gebar-ren ahotsetik. Ondoren, askari osasungarria Arizmendienean (eguraldi txarra bada, Udaletxeko aretoan). Antolatzailea: Elizaldeko Guraso Elkartea.
- 19:30ean: DANTZA BILERA txistulariekin, Kastroko iturrian. Antolatzailea: Lartaun Txistulari Taldea.
- 20:00etan:Ekida Arte ekimen sozialistak antolatutako BERTSO SAIO MUSIKATUA txosnagunean. Antolatzailea: Ekida Arte ekimen sozialista.
- 23:30ean: Musika Jaialdia, Done Eztebe plazan. Antolatzaileak: Musika Batzordea.
- ESANEZIN
- EIRE
- 23:30ean: Musika Jaialdia, Txosnagunean. Antolatzaileak: Musika Batzordea.
- YAKOVLEV 42
- LA TXAMA
- 00:00etan: DJ ELEPUNTO, Zimitiyoko Txosnan. Antolatzailea: Zimitiyoko txosna.
ABUZTUAK 4, igandea, BASERRITAR EGUNA
- 05:30ean: Txoznaguneko gaupaseroen Oiartzungo lehen TOKA TXAPELKETA, GKS eta Itaiaren partetik. Antolatzaileak: GKS eta Itaia.
- 09:00etan: GOIZ ERESIA. Antolatzailea: Lartaun Txistulari Taldea.
- 10:00etan: HemenGuk, Oiartzungo PRODUKTUEN AZOKA, Yon Oñatibia kalean. Bertako eta sasoiko produktuen azoka. Antolatzaileak: Hemenguk.
- 10:00etan: 76. XANISTEBAN TXIRRINDULARI SARIA, Txomin Perurenaren omenez. Antolatzailea: OTXE Oarsoaldeako Txirrindulari Kirol Kluba.
- 10:30ean: IDI DEMAren lehenengo txanda, hilerriaren goiko aldeko plazan. Oiartzungo harria erabiliko da (1.800 kg-koa). 1.100 kg-tik gorako pisua duen idi pare bakoitzak 1,5 kg-ko gain-zama hartu beharko du gainditzen duen kilo bakoitzeko. Federatuak izango dira. Antolatzailea: Oiartzungo Idiyazaleak Elkartea.
- 11:00etan: ZAHARREN EGOITZARAKO BISITALDIA, Haurtzaro Ikastolako Dantza Taldearekin, Lartaun Txistulari Taldearekin eta trikitilariekin. Antolatzailea: Haurtzaro Ikastola.
- 11:00etan: Oiartzungo Herri Musika Eskolakoen kale-bueltak Done Eztebe plazatik abiatuta. Antolatzailea: Soinuenea Fundazioa.
- 11:30ean: LIBREKO BERTSO SAIOA Miren Amuriza Plaza eta Julio Soto Ezkurdia bertsolariekin Donibane Kalean. Antolatzailea: Martzelina Bertsozale Elkartea.
- 11:50ean: Inaxio Uharte 23. SAGARDO LEHIAKETAren hasiera, Done Eztebe plazan. Herriko sagardoa dasta eta balora ezazu edalontzia erosiz! Antolatzailea: Ibargain Elkartea.
- 12:00etan: Oiartzungo PINTXO-LEHIAKETA, Done Eztebe plazan. Herriko elkarte eta tabernek egindakoen artean, pintxo onena nork egin duen jakingo dugu. Antolatzailea: Ibargain Elkartea.
- 12:00etan: Oidultz DULTZAINA TALDEAren kale-bueltak Zaharren Egoitzatik abiatuta. Antolatzailea: Oidultz Dultzaina Taldea.
- 13:15ean: Oiartzungo PINTXO LEHIAKETA; sarien banaketa, Done Eztebe plazan.
- 13:30ean: Inaxio Uharte 23. SAGARDO LEHIAKETAren sari banaketa, Done Eztebe plazan.
- 14:00etan: Oiartzungo Udalak BAZKARI GOXO BAT ESKAINIKO DIE HERRIKO ERRETIRATUEI, Gazte Izanak elkartearen laguntzarekin. Ondoren, musika izango da, nahi duenak dantza egin dezan.
- 14:30ean: BAZKARI FEMINISTA, Eliza ondoan. Antolatzailea: Oiartzungo Feministen Asanblada.
- 15:30ean: Oiartzungo HAURREN JOKO GARBI eta PALA TXAPELKETA HERRIKOIAren finalak, Kontzejupean. Antolatzailea: Oiartzungo Eskola Kirola.
- 16:00etan: EUSKAL PILOTA EGOKITUko erakustaldia, Kontzejupean. Antolatzailea: Mindara Elkartea.
- Ondoren: Binakako PALA TXAPELKETAren finalak, Kontzejupean, neskak eta mutilak. Antolatzaileak: Girizia Pilota Saila eta Txost.
- 17:00etan: HELDUEN TAILERREN 25. ERAKUSKETA (margoak, bolilloak, eskulanak, taila, joste-lanak, pachwork, altzari-berritzea, eta abar), Done Eztebe Plazan. Antolatzailea: HELTA Helduen Tailerrak
- 17:00etan: IDI DEMAren bigarren txanda, hilerriaren goiko aldeko plazan.
- 17:00etan: BINGO DRAG MUSIKATUA Eliza ondoan. Antolatzailea: Oiartzungo Feministen Asanblada.
- 18:00etan: ANDEREÑO TXONTXONGILO IKUSKIZUNA Anita Maravillas konpainiaren eskutik 6 urtetik gorako haurrei zuzendua Landetxe Kultur Aretoan. Antolatzailea: Elizaldeko Guraso Elkartea.
- 18:45ean: OLARRI Oiartzungo Dantza Taldearen saiotxoa, Kastro iturri ondoan. Antolatzailea: Olarri Dantza Taldea.
- 19:15etan: HERRI KIROLEN JAIALDIA, hilerriko plazan. Aizkolariak eta Harri-jasotzaileak. Antolatzailea: Iturri-Berri Elkartea.
- 19:30ean: DRAG DJ IKUSKIZUNA: Albina Stardust eta Divina Comedia Txosnagunean. Antolatzailea: Oiartzungo Feministen Asanblada.
- 21:00etan: GOI-MAILAKO PILOTA PARTIDAK. Antolatzaileak: Oiarpe K. E.
- Neskak: Arraiza-Mendizabal / Larrarte-Erasun
- Mutilak: Oiartzun / Goizueta: Etxeberria-Landa / Apezetxea-Apezetxea
- 22:00etan: KORRONTZI taldearen ETA OINKARI dantza taldearen IKUSKIZUNA, Elorsoro kiroldegian. Antolatzailea: Haurtzaro Dantza Taldea.
- 23:00etan: Musika Jaialdia, Done Eztebe plazan: BIDEBATEZ. Antolatzaileak: Musika Batzordea,
- 23:00etan: HELDUEN DANBORRADA, Oiartzungo kaleetan zehar. Antolatzaileak: Auzokalte Elkartea eta Haurtzaro Ikastola.
- 23:00etan: Musika Jaialdia, Txosnagunean. Antolatzaileak: Musika Batzordea.
- STR
- ASTELEHEN GOIZAK
- 00:00etan: DJ BULL, Zimitiyoko txosnan, euskal musikaz girotua. Antolatzailea: Zimitiyoko txosna.
ABUZTUAK 5, astelehena, GAZTEEN EGUNA
- 09:00etan: GOIZ ERESIA. Antolatzailea: Lartaun Txistulari Taldea.
- 11:00etan: Oiartzungo ERRALDOI handien eta txikien kale-buelta Done Eztebe Plazatik abiatuta. Antolatzailea: Soinuenea Fundazioa.
- 1:00etan: TOKA JOKOA Landetxeko atarian 18 urtetik gorako oiartzuarrentzat. Izen ematea egun berean, Gazte Izanak-en lokalean 11:00etatik 12:00ak arte. Antolatzailea: Gazte Izanak Elkartea.
- 11:45ean: BERTSO JAIALDIA, txosnagunean. Alaia Martin, Nerea Ibartzabal, Andoni Egaña eta Amets Arzallus bertsolariekin; gai-jartzailea: Ander Lizarralde. (eguraldi txarra bada, Udaletxeko aretoan). Antolatzailea: Martzelina Bertsozale Elkartea.
- 12:30ean: KANTU KANTARI. Kantuzale den orok herri-kantuen sorta ederra abesteko aukera izango du herriko kaleetan barrena. Denak gonbidatuta! Antolatzailea: Lartaun Abesbatza.
- 13:00etan: GAZTE TXUPINAZOA, Txosnagunean. Antolatzaileak: Biyurrienea.
- 13:30ean: GAZTEEN BAZKARIA, Done Eztebe plazan. Antolatzaileak: Biyurrienea.
- 16:00etan: Haur mailako banakako 24. XAKE LEHIAKETA, Madalensoron. Antolatzailea: Haurtzaro Ikastola.
- 17:00etan: TXOKO JOLASAK, Arizmendienean hasita. Antolatzailea: Haurtzaro Ikastola.
- 18:00etan: 32. ARIN-ARIN ETA FANDANGO TXAPELKETA, gaztetxoentzat Landetxe Kultur Aretoan. Gipuzkoa osoko dantzariak, 15 urtetik beherako neska-mutilak, Lartaun Txistulari Taldearen doinuekin dantzan. Antolatzailea: Aldeguna Elkartea.
- 18:00etan: Elektrotxarangak gidatutako POTEOA tabernaz taberna. Antolatzaileak: Biyurrienea.
- 19:30etan: DANTZA BILERA, Kastroko iturrian. Musikariak: Oiartzungo HM eskolako irakasleak. (eguraldi txarra bada, Kontsejupean). Antolatzailea: Soinuenea Fundazioa.
- 22:00etan: Gazte eguneko jolasak Txosnagunean. Antolatzaileak: Biyurrienea.
- 22:30etan: Dantzaldia, Done Eztebe Plazan, PATXI PEREZ. Antolatzaileak: Musika Batzordea.
- 23:30ean: DJ FRESA MORANGO, Txosnagunean. Antolatzaileak: Musika Batzordea.
ABUZTUAK 6, asteartea, HAURREN EGUNA
- 09:00etan: GOIZ ERESIA. Antolatzailea: Lartaun Txistulari Taldea.
- 10:30ean: Xanistebanetako HAURREN ESKU-PILOTA TXAPELKETA HERRIKOIAren finalak, binaka, Kontzejupean. Antolatzailea: Oiarpe KE.
- 11:00etan: Oiartzungo Herri Musika Eskolakoen KALE-BUELTAK, Done Eztebe plazan hasita. Antolatzailea: Soinuenea Fundazioa.
- 11:00etan: ELIZALDEKO DANTZA TALDEAREN EMANALDIA, txosnagunean. (eguraldi txarra bada, Udaletxeko aretoan). Antolatzailea: Elizaldeko Guraso Elkartea.
- 11:30ean: Herriko gazteen BERTSO SAIOA, txoznagunean. (eguraldi txarra bada, Udaletxeko aretoan). Antolatzailea: Martzelina Bertsozale Elkartea.
- 12:30ean: ARKUME ERRETZEA: ARKUMEA BURDUNTZIAN, A ZE POZA TRIPAN SARTZIAN. Done Eztebe plazan, herri-poteoaren hasiera.
- 14:30ean: ARKUME JATEA. Bazkalondoa, TXARANGAk alaituta. Antolatzailea: Ardi Latxa elkartea.
- 16:00-20:00: HAUR ETA GAZTEENTZAKO PARKEA Landetxe Plazan. Antolatzailea: Haurtzaro Ikastola.
- 16:00etan: Xanistebanetako 27. TRUK TXAPELKETA, Madalensoro pilotalekuan. Antolatzailea: Oiarpe KE.
- 18:00etan: AITOR TXIKI I. ARETO FUTBOLEKO GAZTETXOEN TXAPELKETAren finalak, Elorsoro kiroldegian. Antolatzailea: Aitor Txiki Futbito Elkartea.
- 18:30ean: Haurrentzako TXOKOLATADA, Landetxe plazan. Antolatzailea: Haurtzaro Ikastola.
- 19:00etan: AITOR TXIKI XV. ARETO FUTBOLEKO TXAPELKETAren finalak, Elorsoro kiroldegian. Antolatzailea: Aitor Txiki Futbito Elkartea.
- Arratsaldeko 19:00etan: AFRIKA BIG BANG KONTZERTUA txosnagunean. Antolatzailea: Oiartzungo Feministen Asanblada.
- 23:00etan: Musika Jaialdia, Txosnagunean, SUSTRAI SISTERS. Antolatzaileak: Musika Batzordea.
- 23:00etan: Elizaldeko kaleetan zehar, ZEZENSUZKOA ibiliko da, Lartaun Txistulari Taldeak Idiarena doinuz lagundurik.
- 23:30ean: Musika Jaialdia, Done Eztebe plazan: PURO RELAJO. Antolatzaileak: Musika Batzordea.
Erlazionatutako edukiaXanistebanetako Mozorro Egunerako proposamenak aukera daitezkeZilibito Recordsen ‘Malibu’, udako abestia OiartzunenXanistebanetako bazkari feministarako txartelak, salgai
