Ezohiko udalbatza egingo dute uztailaren 29an
Landuko dituzten gaien artean ondarea, kontratazioa eta zerbitzu juridikoak, ogasuna eta pertsonala eta antolakuntza daude, besteak beste.
Pasaiako Udalak jakitera eman duenez, ezohiko udalbatza egingo dute datorren astelehenean, uztailak 29, 09:00etan. Zehazki, hau izango da batzarrean landuko dituzten gaien zerrenda:
- Aurreko bilkuretako 4., 5., 6. eta 7. aktak onartzea.
- Alkatetzaren eta zinegotzi ordezkarien ebazpenen berri ematea eta Tokiko Gobernu Batzarreko akordioen berri ematea.
- Administrazioen arteko hitzarmena onartzea, Gipuzkoako Foru Aldundiari eskatzeko Donostialdean automobiletan egiten den bidaiarien garraio zerbitzua emateko araubide bereziko eremua sortzeko.
- 2024ko 2. hiruhilekoko aurrekontuaren gauzatzearen berri ematea.
- 2024ko 2. hiruhileko batez besteko ordainketa aldiaren berri ematea.
- Kreditu aldaketa onartzea.
- Prozeduren eta tresnen eskuliburua onartzea.
- Hasierako onarpena ematea Pasaiako udalaren eta bere erakunde autonomoen diru laguntzen ordenantza orokorrari.
- Ondasun Higiezinen gaineko zergaren erroldako akatsari buruzko txosten teknikoaren berri ematea.
- Kreditu aldaketaren berri ematea.
- 2024ko soldata igoera.
Hala ere, gai zerrenda zehaztasun gehiagorekin ikusi nahi ezkero, egin klik hemen.
