Gaintxurizketako azken istripuan ihes egin zuen gidaria Ertzain Etxera joan da
Hilaren 5ean izan zen istripua eta gidariaren bila ari zen Ertzaintza. Eginbideak ireki dizkiote, zuhurtziagabekeriagatik heriotza delitua eta gertakarien lekutik alde egiteagatik.
Abuztuaren 5ean kamioi batek 73 urteko emakume bat harrapatu zuen Gaintxurizketatik pasatzen den GI-636 errepidearen 7. kilometroan. Gidariak ihes egin zuen, baina egunaren hondarrean kamioia identifikatzea lortu zuen Ertzaintzak. Hiru egun geroago, hilaren 8an, gidaria Ertzain Etxera joan da istripuan parte hartzeagatik.
Deklarazioa hartu diote gidariari, eta ikertu gisa eginbideak ireki dizkiote, zuhurtziagabekeriagatik heriotza delitua medio, eta gertakarien lekutik alde egiteagatik istripu bat eragin ondoren.
Erlazionatutako edukiaGaintxurizketako bizilagunak: “GI-636ak hiltzen gaitu”Emakume bat hil da Gaintxurizketan ibilgailu batek harrapatuta
