Arraztalo Oiartzungo nekazal ustiategirako langile bila dabil
Buru osasun arazoengatik desgaitasuna duten pertsonentzako lanpostu babestua da, eta sei hilabeteko kontratu luzagarria eskaintzen dute.
2024ko urria izango da lanpostuaren hasiera data. Arraztalo Oiartzungo Gaixo Psikikoen Elkartea Oiartzungo nekazal ustiategirako langile bila dabil, eta buru osasun arazoengatik desgaitasuna duten pertsonentzako lanpostu babestua da hain zuzen eskaintzen dutena.
Honakoak izango dira langilearen eginkizunak:
- Barazkien landaketa, zaintza eta bilketa.
- Baratza lan orokorrak eta mantenua.
- Eskaeren prestaketa eta banaketa. Arraztalo Kontsumo taldeko kideei arreta.
- Azoketan postuen arreta.
Astean 25 orduko lana egin beharko du langileak astelehenetik ostiralera, 8:00etatik 13:00era. Urria izango da hasiera data, eta sei hilabeteko kontratu luzagarria eskaintzen dute.
Bestalde, hautagaiek derrigor bete beharreko baldintzak dira Oiartzunen erroldatuta egotea eta buru osasun arazoengatik desgaitasuna aitortua izatea. Halaber, gidabaimena izatea eta nekazaritzan esperientzia izatea baloratuko dituzte.
Inprimaki honen bidez izena ematen duten pertsonekin lan poltsa osatuko dute, lan eskaintza horretaz gain etorkizuneko langile beharrak asetzeko.
