1974an jaiotako oiartzuarrek kintoak ospatuko dituzte
Urriaren 5ean izango da bazkaria Tolare jatetxean. 1974an jaio eta Oiartzunen jaio edo bizi direnei luzatu diete deia.
![1969 oiartzun](https://oarsoaldea.hitza.eus/site/files/2019/11/tolare.jpg)
Aurten 50 urte beteko dituztela ospatzeko asmoz, 1974ko Oiartzungo kintoen bazkaria antolatu dute hainbat herritarrek. Urriaren 5ean Tolare jatetxean izango da ospakizuna, 14:00etan, eta Oiartzunen jaio edo bizi direnei luzatu diete deia. Bazkariaren prezioa 40€koa izango da, baina kopak eta bestelakoak ez dira prezio horretan sartzen.
Bazkarira joan nahi duen orok ordainketa irailaren 8a baino lehen egin beharko du kontu honetan: ES31 2095 5060 1091 2424 8555 (Kutxa). Kontzeptuan izen abizenak jarri behar dira.