Bigarren eskuko bizikleta azoka antolatu dute hirugarrenez
Hilaren 13an, ostiralarekin, izango da Zumardian arratsaldez, 16:30etik 20:00etara.
Bigarren eskuko bizikleten azoka_2023 (2) Bigarren eskuko bizikleten azoka antolatu du Errenteriako Udalak, hirugarrenez. Hilaren 13an, ostiralarekin, izango da Zumardian arratsaldez, 16:30etik 20:00etara.
aurreko ekitaldietan egin moduan, salerosketarako gune bat jarriko dute herritar guztien eskura, doako gordailu sistema baten bidez. Antolakuntzako langileak arduratuko dira objektuak gordailuan zaindu eta haien salmentaz. Gordailu zerbitzu hori, 15:00etatik16:30era izango da zabalik. Bizikletak eta patineteak hartuko dituzte bertan, eta saldu nahi direnak eraman eta antolakuntza taldeari utzi.
Ezinbestekoa izango dute bizikleta edota patinetea saldu nahi duten herritarrek aldez aurretik izena ematea online inprimakia beteta (klikatu hemen), edo 943 67 02 49 telefono zenbakira deituta. Sailtzaileek adin nagusikoak izan behar dute eta datu pertsonalak eman beharko dituzte, nortasun agiriaren zenbakia eta telefono zenbakia, hain zuzen ere.
Antolatzaileek nabarmen jarri dute ez dituztela 500 euro baino gehiagoko prezioa duten objektuak onartuko. Azoka bukatzean, salmentatik bildutako dirua edo saldu ez diren objektuak itzuliko dizkiete jabeei.
Mugikortasun Iraunkorraren Europako Astearen barruan antolatzen du udalak azoka, eta gainera, Hondakinen Prebentzio Planarekin bat dator, hondakinen sorrera saihestu eta materialen berrerabilera sustatzen baititu.
Bizikleten Bigarren Eskuko azoka aukera paregabea da bizikletak edota patineteak prezio onean lortzeko. Aurreko urteetako esperientziari begiratuta, aurten ere, arrakasta mantentzea aurreikusi dute antolatzaileek, azkenik.
