Gazte Izanak-ek bi ikastaro iragarri ditu 2024-25 ikasturterako
Eskulanetako ikastaroa eta adin nagusiko pertsonei egokitutako yoga ikastaroa dira tailerrak. Izena eman daiteke dagoeneko bietan.
![](https://oarsoaldea.hitza.eus/site/files/2024/09/tissue-5276453_1280-1200x675.jpg)
Gazte Izanak elkarteak eskulanetako eta adin nagusiari egokitutako yoga ikastaroen berri eman du. Eskulanetako ikastaroa urriaren 1etik maiatzaren 27ra artean izango da, astearte goizetan. Izen emate epea zabalik dago, eta irailaren 6a izango da inskribatzeko azken eguna. Landetxe lokalean eman beharko da izena, 10:00 eta 12:00 artean. Ikastaro hau doan izango da eta hamabi eserleku baino ez dira egongo.
Bestalde, adin nagusiari egokitutako yoga ikastaroa urriaren 2tik maiatzaren 28ra izango da, eta izena emateko azken eguna irailaren 5a izango da. Kasu honetan ere izena emateko aukera Landetxe lokalean egongo da, 10:00 eta 12:00 artean. Ikastaro honetan arnasketa, giharren luzaketa, artikulazioen arintzea, odol zirkulazioa aktibatzea … izango dira helburuak. Gainera, besteak beste, lasaitasun maila handitzea izango da ikastaroan landuko duten arloetako bat.