Hirukidek familia ugarientzat zuzendutako ikastaro bat emango du
Irailaren 17an izango da aurkezpena, eta hitzordua Oiartzunen izango bada ere, inguruko herrietako familia ugariei ere luzatu diete deia.
![](https://oarsoaldea.hitza.eus/site/files/2024/09/children-5833685_1280-1200x800.jpg)
Irailaren 17an, asteartea, Hirukide Euskadiko Familia Ugarien Federazioak aurkezpen bat egingo du Oiartzunen, eta inguruko udalerrietako familia ugariei ere deia luzatu diete.
Hau da hitzaldian landuko duten gai zerrenda:
- Familia ugaria izateagatik dauden eskubideak.
- Laguntzei/hobariei, baimenei eta abarri buruzko zalantzak argitzea.
- Seme alabak hazteko eta mantentzeko laguntza berriari buruzko berrikuntzak.
- Familien Lege Berriaren aurreproiektuari buruzko informazioa.
- Zein laguntza/beherapen daude Oiartzunen?
- Udalerri honetako eta inguruko herrietako familia ugarien egoera eta premiak.
- Federazioaren lana.
- Familien ekarpenak.
Formulario hau betetzeak hitzordua hartzeko balio du, eta ondorioz arreta jasotzeko orduan lehentasuna emango zaie izena eman dutenei. Hitzordura joateko ez da beharrezkoa izena ematea, baina inskripzioak itxaroten ez egoteko balioko du.
18:00etan izango da aurkezpena, udaleko osoko bilkuren aretoan, baina bertaratzerik ez dutenei edo arreta zuzena jaso nahi dutenei arreta emango zaie 9:30-14:00 eta 15:00-17:30 artean, udaleko osoko bilkuren aretoan.
Hirukidek 25. urteurrena ospatzeko ekitaldi bereziak egingo ditu urtean zehar.