Online jarri dute 'Oiartzun 2024' urtekaria
200 orrialdeko urtekarian oiartzuarrei egindako elkarrizketak eta herriko talde eta eragileen ekimen zein albisteak irakurri daitezke.
![](https://oarsoaldea.hitza.eus/site/files/2024/09/img_20240905_1422082-1200x900.jpg)
Xanistebanak igarota, herriko saltoki ezberdinetan salgai zegoen Oiartzun 2024 urtekariaren ale digitala jarri dute eskuragarri.
Interneten zintzilikatu berri dute orain herriko 53 idazleren artan “mimo handiz” idatzi duten liburua. Liburuak dituen 200 orrialdeetan, aipagarri izan diren oiartzuarrei egindako elkarrizketak, herriko talde eta eragileen ekimen eta albisteak irakurri daitezke. Bederatzi atal ditu urtekariak: elkarrizketak, historia, seme alabak, kultura, kirola, irakaskuntza, herriko eragileak, albiste aipagarriak eta argazki zaharrak.
Udalaren webgunean eta Issuu plataforman dago irakurgai.