15 urte bete ditu Arraztalo Kontsumo Taldeak
Kontsumo taldeak 15 urte bete dituen honetan, haiekin bat egin eta elikadura osasungarri eta jasangarri batez gozatzeko deia egin du.
Arraztalo Kontsumo taldeak 15 urte bete ditu aurten; “herritar talde baten konpromezuari esker, urte hauetan gaixotasun mentala duten pertsonen lan integrazioa bultzatu ahal izan dugu eskualdean. Baratza ekologikoen bidez, lanpostu egokituak ditugu baratzean. Bertan ekoitzitakoa kontsumo taldeko saskien bidez saltzen dugu”.
Arraztalok, zehazki, barazki ekologikoen asteroko saskiak, ekoizleekin harreman zuzena izatea eta kontsumo arduratsua eta jasangarria eskaintzen ditu.
Hain zuzen, partaide bakoitzak astero barazki saski bat jasotzen du, eta banaketa nagusia astelehenero egiten da 18:00etatik 18:45era Oiartzungo plazan. Hala ere, badago aukerarik beste banaketa modu eta egunak partaide bakoitzaren beharren arabera adosteko ere. Banakoez gain, enpresetara ere egiten dute banaketa. Hilean 55€ko prezioa dute saskiek (4, hilabete bakoitzeko), eta astean bi pertsonentzako adina barazki dagoela saskian diote.
Azaldu dutenez, aurtengo bazkidetza kanpaina irekita dago, eta interesa duenak mezu bat bidali edo 617 58 57 24 zenbakira deitu beharko du. Hala ere, Arraztaloren webgunean dago informazio guztia.
Proiektuaren informazioa emateko, bideo bat ere egin dute:
