indarkeria matxista

Iruñeko hilketa matxista arbuiatu dute Lezon

Lezoko Udalak, Iruntzen Lezoko Emakume Taldeak, Piztu Lezok eta Gaxuxa Emakume Elkarteak aho batez gaitzetsi dute hilketa.

Kayle Villar Pons iruindarra hil zuen gizon batek atzo goizaldean Nafarroako hiriburuko Arrotxapea auzoko etxabe batean, labankadaka. Horren aurrean, Lezoko Udalak, Iruntzen Lezoko Emakume Taldeak, Piztu Lezok eta Gaxuxa Emakume Elkarteak aho batez adierazi dute indarkeria matxistaren aurka daudela, eta “irmoki” gaitzesten dutela hilketa. Ahotsa hedabideak publikatu duenez, emakumearen aitak salatu du gizonak heriotza-mehatxuak egin zizkiola aurretik, eta Poliziari jakinarazi ziola, baina “ez zutela ezer egin”.

“Horrelako erasoak ez ditugu gure jendartean onartzen, eta erakunde, elkarte eta herritarrok lanean jarraituko dugu, emakumeok indarkeria matxistarik gabe bizi gaitezen”, esan dute: “Emakumeen aurkako indarkeria gehiagorik ez!”.

Mugimendu feministak gogorarazi du indarkeria matxistak bost emakume erail dituela aurten Euskal Herrian.

Azken berriak

Harpidetu zaitez gure buletin irekira!
Astekarko eduki nagusiak, asteko albiste ikusienak, martxan ditugun zozketa eta egitasmoak, asteburuko egitarauen agenda eta askoz gehiago!
Ostiralero zure posta elektronikoan.