Barrez lehertzeko prest da Pasaia
Pasaiako Umorezko Antzerki Jardunaldien 43. ediziorako prest dira lau barrutiak. Agertoki berri bat estreinatuko dute aurten.
Datozen bi asteburuetan umoreak gainezka egingo du lau barrutietan. Pasaiako Umorezko Antzerki Jardunaldien (PUAJ) 43. ekitaldirako prest da herria. Aurtengoaren nondik norakoak azaldu dituzte Aitor Brion Kultura eta Ondare zinegotziak, Joserra Fatxado aktoreak, Beatriz Caballero Kultura teknikariak eta Alazne Mendikute jaietako arduradunak. 43. edizio hau “berezia” izango dela aurreratu dute lauek, agertoki berri bat izango baitu aurtengoak: Antxoko Luzuriaga parkea.
Brionek aipatu du “artista bikainak” izango direla bi asteburuetan, edizio “hunkigarria” izango dela “hainbat arrazoiengatik, tartean, Golden Apple Wuartet taldea Pasaian ikusteko azken aukera izango delako”, esan du.
Ondorengoa da programazio osoa:
- Hilak 18: B.O.B.A.S (Jimena Cavalleti konpainia). Antxon, Luzuriaga parkean, 19:00etan (doakoa).
- Hilak 19: Bihar arte soilik (Erre produkzioak). Donibaneko Juanba Berasategin, 19:00etan (sarrerak 5 euro).
- Hilak 20: Lo único que verdaderamente quise toda la vida es ser delgada (Butaca Zero). San Pedroko udal aretoan, 19:00etan (sarrerak 8 euro).
- Hilak 25: LJ 75 lanean jarraitu (Barsanti konpainia). Trintxerpeko Gudarien plazan. 19:00etan (doakoa).
- Hilak 27: Azken festa (Tomaxen abenturak), Donibaneko Juanba Berasategin, 19:00etan (sarrerak 3 euro).
Sarrerak lotura honetan eros daiteke.
