Energia eta dirua aurrezteko tailerra atzeratu egin dute
Bihar egitekoa zen tailerra abendura atzeratu behar izan dute. Aurrerago jakinaraziko dute noiz egingo duten.
Energia berriztagarrietan oinarritutako sistema energetikoa eraikitzea da bidea EH Bilduren iritziz. Bihar (hilak 16) energia eta dirua aurrezteko egitekoa zen tailerra atzeratu egin dute. Data berriaren informazio gehiegirik eman ez badute ere, abenduan egingo dutela aurreratu dute. Aurrerago jakinaraziko dute zein egunetan eta ordutan izango den.
Abenduko tailerrean, besteak beste, norberak bere etxean ezarri ditzakeen eraginkortasun neurrietarako beharrezko materialak erakutsiko dizkiete pasaitarrei eta energia aurrezteko baliogarriak diren ohitura aldaketa batzuk azalduko dizkiete. Bertaratzen direnei Energia aurrezkiari eta eraginkortasunari buruzko aholku praktikoen gida emango zaie. Honetan energia aurrezteko eta eraginkorragoak izateko baliagarriak diren hainbat aholku jaso dituzte, “modu erraz eta ulergarrian” azalduta.
Izena emateko, helbide honetara idatzi, 628 53 03 03 telefono zenbakira deitu edo webgune honetara jo daiteke.
