'Andregai hilotza', Zinema Txikiaren bigarren proposamena
Larunbatean aurtengo ikasturteko bigarren emanaldia egingo dute Juanba Berasategi aretoan. Ohi bezala, motora zerbitzua izango da.
Joan den urteko emanaldi batean ateratako irudia da honakoa. Zinema euskaraz eta lagunekin gozatzeko aukera izango dute bihar (hilak 2) etxeko txikienek, Pasaiako Zinema Txikiaren bigarren emanaldia izango baita. Juanba Berasategi aretoak jasoko du proiekzioa, 17:30etik aurrera. Sarrerarik ordaindu behar ez bada ere, erreserba egin beharko da Bibe plataforman. Andregai hilotza filma botako dute.
Bertaratzeko asmoa dutenentzako motora zerbitzua izango da, doakoa ere. 17:00etan abiatuko da ontzia Trintxerpeko pantalanetik. San Pedron ere geldialdia egingo du.
Ondorengoa da apirilera bitarte izango diren emanaldien informazioa:
- Azaroak 30: Karmengo Ama ikastetxeko LH2 eta LH3ko ikasleek aukeratutako film bat proiektatuko dute Trintxerpeko alkateordetzan.
- Azaroak 30: La Anunciata ikastetxeko LH2 eta LH3ko ikasleek aukeratutako film bat proiektatuko dute Pasai Antxoko kultur etxean.
- Urtarrilak 18: Deep sea. Sakontasunera bidaia bat, Donibaneko Juanba Berasategi aretoan.
- Otsailak 22: Pasaia-Lezo Lizeoko LH2ko ikasleek aukeratutako film bat proiektatuko dute Donibaneko Juanba Berasategi aretoan.
- Martxoak 15: Goonietarrak, Donibaneko Juanba Berasategi aretoan.
- Apirilak 5: Robotia, Donibaneko Juanba Berastegi aretoan.
