Energia-kontsumoa neurtzeko maletak banatuko ditu Pasaiak
Pasaiako Udalak, Gipuzkoako Aldundiarekin lankidetzan, azaroaren 18 arte utziko ditu 'Energia argitu kit' maletak eskuragarri. Energia-kontsumoa neurtu ostean energia aurrezteko neurriak eskatzeko aukera egongo da.
Energia argitu kanpainaren baitako Energia argitu kit maletak banatzen ari dira Pasaiako Udala eta Gipuzkoako Aldundia. Etxeko energia-kontsumoaren diagnostiko pertsonalizatua egiteko eta energia-eraginkortasuna hobetzeko tresnak eskaintzen ditu maletak.
Azaroaren 6an hasi zen kanpaina Aurreztu dirua eta irabazi osasunean zure etxebizitzan tailerrarekin, autodiagnostiko energetikoa nola egin eta etxebizitzetako ohiko arazoentzako irtenbideak proposatzeko baliatu zuten.
Hitzaldian bertan banatu zituen Udalak maletak, herritarrek energia-gabeziak detektatu ahal izateko. Tailerrean egon ez zirenek ere izango dute autodiagnostiko energetikoa egiteko aukera, Antxoko HAZ bulegoan maletak eskuragarri eduki baitituzte maletak. Hiru egunekoa da mailegua eta azaroaren 18rako itzuli beharko dute beranduenez.
Ez da inolako ezagutza teknikorik behar, pertsona guztiek egin dezakete etxebizitzako autodiagnostikoa, energia-kontsumoa diagnostikatzeko neurgailu ezberdinez gain, erabiltzailearentzako eskuliburua izango du maletak. Autodiagnostikoari esker %5 eta %10 artean aurrezten ahalko du herritarrak.
Diagnostikoa egin ondoren, lortutako emaitzak hobetzeko edo energia aurrezteko etxebizitzen birgaitze energetikoko espezialistei laguntza eskatzeko aukera egongo da, 943112908 zenbakia edo argitu@gipuzkoa.eus helbidea eskuragarri jarriko dituzte horretarako.
