Durangoko Azoka
1545 Argitaletxearen azkenak, Durangoko Azokan
1545 Argitaletxe oiartzuarra ere Durangoko Azokan egongo da azken argitalpenak zabaltzen; horietako baten aurkezpena egingo dute igandean: 'PUF', Alaia Martinek idatzi eta Udane Ansak ilustratutako galdera-liburua.
'PUF' liburua Aurten ere Durangoko Azokan egongo da 1545 Argitaletxea, Artekale 012 postuan. Hiru dira argitaratu dituzten azken liburuak, eta horietako baten aurkezpena egingo dute igandean, hilaren 8, 13.00ean Ahotsenean. Bertan, solasaldia izango da Alaia Martin eta Udane Ansa egileekin.
Horratx liburuen inguruko informazio osagarria eta online erosteko aukera, izenburuei lotutako estekari emanez:
Alaia Martinek idatzi eta Udane Ansak ilustratu duen galdera-liburu bat da Puf. Hiru atalez osatua, iraganera, orainaldira eta etorkizunera begira jartzen gaituzte liburuko galderek.
Irudien eta sinboloen bidez migrazioaren gaia lantzen du liburuak, bere krudeltasun guztiarekin baina ilustrazio ederren bidez. Issa Watanabek sari mordoa irabazi du hitzik gabeko album ilustratu honekin.
– LUDWIG eta ERRINOZEROA – 1545
Beñat Sarasolak euskarara itzulia, Ludwig Wittgenstein filosofoaren ideia batean oinarritzen den album ilustratua da hau. Posible al da zinez zerbait hemen ez dagoela frogatzea?
