Elkartasuna, Pasaiatik Valentziara
Urri bukaerako denboraleak eragindako hondamendia pairatu zutenei laguntzeko kontzertu solidarioa egingo dute beste behin. Oraingo honetan Trintxerpen izango da.
Joan den azaroko kontzertuak izandako arrakasta ikusirik, bigarren kontzertu solidario bat eskainiko dute ostiralean (hilak 20) Illunbe Orkestrak eta Easo Abesbatzako beteranoak. Oraingo honetan etxean ariko dira, Trintxerpeko Karmengo Ama parrokian.
Kutsu solidarioa izango du ostiralekoak ere, jasotako diru guztia Valentzian (Herrialde Katalanak) urri bukaeran izan zen denboraleak eragindako hondamendia pairatu dutenei bideratuko baitiete. Valentziara bidaltzeko dirua biltzeko poltsa bat jarriko dute elizaren sarreran, herritarrek dirua bertan utz dezaten.
Joseba Garmendiak eta Ramon Berazak zuzenduko dute kontzertua. 20:00etan hasiko dute emanaldia eta ez da sarrerarik ordaindu beharko.
