Eskubaloi campusean izena emateko aukera zabalik oraindik
Ereintzak eta Munttarpek antolatu dute gaztetxoentzako Eguberrietako kirol-aisia eskaintza, hilaren 23, 26, 27 eta 30erako eta urtarrilaren 2 eta 3rako.
Errenteria-Oreretako Ereintza Eskubaloiak eta Lezoko Munttarpe Kirol Elkarteak Eguberrietarako antolatu duten eskubaloi campusean izena emateko aukera zabalik da oraindik ere. Sei egunekoa izango da gazteenek kirola ezagutu dezaten balioko duen jarduera: abenduaren 23, 26 eta 27 eta 30ean nahiz 2025eko urtarrilaren 2 eta 3an egingo dituzte eskolak 09:30etatik 13:30etara; elkartzeko puntua Errenteria-Oreretako Galtzarabordako kiroldegia izango da, baina Lezoko Bekoerrota kiroldegia ere erabiliko dute. 2011 eta 2016 urteen artean (biak barne) jaiotakoentzat da Eguberritako kirol-aisia eskaintza.
Campusaren prezioa 95 eurokoa da pertsonako; familia bereko bigarren haur batek izena ematen badu, haren kuota 85 eurokoa izango da. Bi kirol elkarteetako bazkide direnek, baina, deskontua dute: 90 eurokoa familiako lehen kidearen kuota, eta 80koa bigarrenarena.
Informazio gehiago nahi duenak antolatzaileen posta elektroniko helbidera bidal dezakete mezua. Izena emateko, berriz, baliatu azpiko QR kodea:
