Oiartzungo Udaleko urteko azken bilkura bihar egingo dute
Biharkoan, besteak beste, datorren urtean onartzea aurreikusten dituzten ordenantzak eta diru laguntzen oinarriak jorratuko dituzte.
2024ko azken udal osoko bilkura egingo dute bihar, hilak 18, 18:00etan. 2025a “antolatzen hasteko” zenbait gai jorratuko dituzte biharkoan, tartean datorren urtean onartzea aurreikusten dituzten ordenantzak eta gizarte bazterketa edota egoera ekonomiko larrian egon daitezkeen oiartzuarrak laguntzeko diru laguntzen oinarria.
Hau da gai zerrenda:
- Aurreko batzarrari dagokion aktaren onarpena.
- Oiartzungo Turismo Aukerak S.A.ren disoluzioaren ondorioz, bere eskubide eta betebeharrak udalaren gain hartzea.
- Oiartzungo Udala eta Gipuzkoako Parketxe Sarea Fundazioaren arteko lankidetza hitzarmena.
- Oiartzungo Udalaren 2025. urteko araugintza plana.
- Herritarren arloari dagokion udaleko lanpostuen balorazioa egiteko eta, ondorioz, 2024. lanpostuen zerrenda aldatzeko espedienteari hasiera ematea.
- Oiartzungo Udal eraikinen garbiketa zerbitzuaren kontratua.
- Ur erreziboen zuzenketa eskaera.
- Gizarte bazterketa eta ekonomia larritasun egoerei aurre egiteko norbanako eta familientzako ditulaguntzen 2025. urteko deialadia eta oinarriak.
- Beste organoen jardueraren jarraipena.
- Eskariak eta galderak.
