Lau barrutietan izango dira Olentzero eta Mari Domingi asteartean
Olentzero eta Mari Domingi Pasaiako lau barrutietan izango dira asteartean (hilak 24). Haurrek eskutitzak eman, argazkiak atera eta kantatu zein dantzatzeko aukera izango dute.
Olentzero eta Mari Domingi noiz etorriko zain daude Pasaiako haurrak; ez zaie, baina, asko falta egun handirako, asteartean (hilak 24) Pasaiako lau barrutietan izango baitira haurren eskutitzak jaso, argazkiak atera eta abestu zein dantza egiteko.
Herriko elkarte eta jai batzordeek egitarauak ondu dituzte:
Antxo
- 11:15. Kalejira, Alkartasunak antolatuta. Usoz kanpatik irtengo da; ondoren, Hamarretxeta kalea, Blas de Lezo, Eskalantegi kalea, Oarso kalea, Hamarretxeta kalea eta Biteri plazan amaituko da. (Eguraldi txarra egiten badu, Ibaiondon egingo da).
- 18:15. Kalejira, Basarik antolatuta. – Gure Zumarditik Kupeldegira; ondoren, Hamarretxeta kalea, Blas de Lezo, Eskalantegi kalea eta Gure Zumardian amaituko da.
Donibane
- 18:00. Olentzero eta Mari Domingi Meipitik aterako dira, Donibaneko Jai Batzordeak antolatuta. Ondoren, Lezo bide, Bizkaia plaza, Donibane kalea eta amaiera Santiago plazan.
Trintxerpe
- 17:00. Trintxerpeko Jai Batzordeak eta Illumbe musika elkarteak antolatutako ekitaldia Gernika plazan hasiko da. Olentzero eta Mari Domingik azokan egingo dute gutunen harrera.
- 19:00. Kalejira. Euskadi etorbidetik aterako dira; ondoren, Jaizkibel kalea, Azkueneko parkea, Azkuene kalea, Euskadi etorbidea, Gernika plaza, Gudari plaza eta amaiera Serafin Esnaolan.
San Pedro
- 18:00. Kalejira, San Pedroko Jai Batzordeak antolatuta. Morales Oliver plazan hasiko da; ondoren, Arraunlari kalea, Torrea, Kale Zaharra, eta amaiera Herriko plazan. Eguraldi txarra egiten badu, Proisako eremuan izango da ekitaldia.
