San Tomas egunak jende andana elkartu du Errenteriako kaleetan
Goizeko hamaiketan izan da pregoia. Orain, udal txistulari taldea, Herri Arte Eskolako kideen dantzaldia eta Herri Kirolen txanda izango da.
Errenteriako kaleak jendez beteta egon dira egun osoan zehar San Tomas eguna dela eta. Goizeko hamaiketan izan da pregoia, eta ordutik aurrera jende mordoa elkartu da herrian. Hamaika postu, zenbait jarduera, taloak… ez da aspertzeko astirik izango herrian, egitarau oparoa ondu baitute gaurkorako.
HITZA Errenteriako San Tomas egunean izan da, eta zenbait irudi eta bideo bildu ditu.
San Tomas eguneko egitaraua
17:00: Udal txistulari taldea eta Herri Arte Eskolako kideen dantzaldia Xabier Olaskoaga plazan.
17:00: Herri kirolak Agirre Lehendakariaren plazan.
17:30: Bingo musikatua Foru plazan.
18:00: Amulletako danborra herriko kaleetan barrena ibiliko da.
18:30: Jauziak Zumardian.
19:30: Bixkor txaranga herriko kaleetan zehar ibiliko da.
21:00: Sari banaketa egingo dute Zumardiko kioskoan.
22:30: Emaion erromeria Zumardiko kioskoan.
