Aldarrikapen eta lanketa berriak izango dira nagusi martxoan
Oiartzungo Udalak martxoko aisialdirako agenda argitaratu du. 60 deialditik gora antolatu dituzte: solasaldiak, lanketak, bilera irekiak...
Oiartzungo Udalak martxoko aisialdirako agenda argitaratu du, eta zehazki, 60 deialditik gora izango dituzte herritarrek datozen asteetan gozatzeko. Egitaraua, ohi moduan, herriko eragileekin elkarlanean osatu dute.
Kultura eta aisialdia presente egongo dira ekintzetan, baina aldarrikapena eta lanketa berriak ere gehitu dituzte hilabete honetako zerrendara. Horren adibide dira Emakumearen Nazioarteko Egunaren harira Oiartzungo Feministen Asanbladak osatu duen egitaraua; ipuin kontaketak; Oarso Bidasoko Hitzak Oiartzun Irratiarekin elkarlanean antolatutako mahai ingurua; antzezlanak…
Horretaz gain, menpekotasuna eta kontsumo ezberdinekin kezkatuta dauden herritar talde batek bilera irekia egingo duela jakinarazi du udalak hilaren 27an. Herritarren artean lanketa bat abiatzeko helburua du talde horrek.
Martxoko egitarau osoa ikusteko, egin klik hemen.
