Sai arreak eta euren ohiturak ezagutzeko aukera, Arditurrin
Sai arreen inguruko hitzaldia emango dute lehenbizi hezitzaileek, eta ibilaldia egingo dute gero. Igandean izango da jarduera.
Sai arreak ezagutzeko aukera eskainiko du Arditurri parketxeak igande honetan –hilak 11–. Aiako harrian barrena egingo dute ibilaldi gidatua, eta bertaratzen direnek hegazti sarraskijaleen bizimodua eta ohiturak ezagutzeko aukera izango dute.
Sai arreen inguruko hitzaldi bat emango dute lehenbizi hezitzaileek, eta ibilbidea egingo dute gero hegaztiak teleskopio bidez ikusteko.
Bisita adin guztietako herritarrentzat dago pentsatuta, eta aurrez erreserba egitea beharrezkoa da; horretarako, 943 49 42 48 zein 688 89 50 68 zenbakietara deitu edota mezu elektroniko bat idatzi behar da.
12 urtetik beherakoek lau euro ordaindu beharko dute jarduera; 13 urtetik gorakoek, berriz, sei euro.
Euskarazko hitzaldia 10:00etan hasiko da, eta ibilaldia, aldiz, handik ordubetera.
Era berean, antolatzaileek jakinarazi dute bisitaren egunean prismatikoak eramatea gomendatzen dela.
