Martxan da Euskaraldia!
Pasaitarrek Euskaraldiaren suziria piztu zuten atzo, barruti bakoitzak txupinazo bana jaso baitzuen. Herri argazkia ere atera zuten lau barrutietan.
Donibaneko Euskaraldiaren herri argazkia. Martxan da Euskaraldia. Martxan da laugarrenez euskararen erabilera sustatzea, indartzea eta areagotzea xede duen ariketa sozial eta masiboa, Elkar mugituz egingo dugu lelopean. Pasaitarrek atzo piztu zuten Euskaraldiaren suziria, txupinazo bana jaso baitzuen barruti bakoitzak. Euskaraldiaren hasieraz gozatzera gerturatu zirenek herri argazki bana ere atera zuten. Pasaitarrek hamar egun dituzte aurretik euskara lau haizetara zabaldu eta Euskaraldiarekin bat egiteko. Horretarako, jarduera mordoa jasoko ditu udalerriak datozen egunetan.
Pasaiako Euskaraldia
Hilak 16, ostirala
- 21:00etan, Antxoko Ibaiondo plazan, Anariren kontzertua.
Hilak 17, larunbata
- 12:00etan, Trintxerpeko Serafin Esnaola plazan, Dantza Lagun ikuskizuna.
19:00etan, Donibaneko Juanba Berasategi aretoan, Esnatu naiz kabareta (irudian).
Hilak 18, igandea
- 19:00etan, Trintxerpeko alkateordetzan, Laburbiraren barruko film laburren emanaldia.
Hilak 19, astelehena
- 17:00etan, Donibaneko JJ Otaegi plazan, Parketarrak.
Hilak 20, asteartea
- 17:30ean, Antxoko Ibaiondo plazan, Parketarrak.
Hilak 21, asteazkena
- 17:30ean, San Pedroko frontoian, Parketarrak.
Hilak 22, osteguna
- 17:15ean, Trintxerpeko Gudarien plazan, Parketarrak.
Hilak 23, ostirala
- 20:30ean, San Pedroko Begihaundi tabernan, Mintzapotea.
Hilak 24, larunbata
- 21:00etan, San Pedroko Sanpedrotarra Arraun Elkartean, Afaria eta Bingoz bingo! Aurori Badiola eta Yogurinha Borovarekin.
Hilak 25, igandea
- 19:00etan, Antxoko Kultur Etxean, Ana Goitiaren Katana ikuskizuna.
