Mailaz igo badira ere, ez dute titulua eskuratzea lortu
Asteburuan jokatu du Miren Taberna OKE taldeak bigarren mailako finala Altza la Terraza taldearen aurka, eta 4 eta 6 galdu dute partida.
Gipuzkoako bigarren mailako finala jokatu zuen asteburuan Miren Taberna OKE taldeak Tolosako Usabal kiroldegian Altza La Terraza taldearen aurka, eta oiartzuarrak lehenengo mailara igo badira ere, ez zuten txapelketa irabaztea lortu.
Partidaren lehen hamar minutuetan sartu zituen bi gol Altza la Terrazak, eta hurrengo minutuetan aukerak izan zituzten arren, ez zuten lortu gol gehiago sartzerik ezen talderik. Bigarren zatian, alabaina, Oiartzuarrek bi gol sartu eta partida berdintzea lortu zuten, markagailua 2-2 jarriz. Altzako taldeak sartu zuen jarraian gola, baina oiartzuarrek amorerik eman gabe egin zuten aurrera, eta partida amaitzeko hamar minuturen faltan 4-3 aurreratu ziren markagailuan. Altzakoek, aldiz, erreakzionatu, eta hiru gol sartu zituzten partida amaitzerako; hortaz, 4 eta 6ko emaitzarekin amaitu zen partida.
Oiartzuarrek titulua lortu ez badute ere, mailaz igo direla azpimarratu behar da, eta, ondorioz, datorren denboraldian Gipuzkoako lehenengo mailan neurtuko dituzte indarrak.
Taldekideek eskerrak eman dizkie Tolosako Usabal kiroldegira hurbildu ziren jarraitzaileei: “Sekulako indarra eman ziguten zuen animoek, eta datorren denboraldian ere zuekin kontatzen dugu lehenengo mailako partiduei aurre egiteko”.
