Herriartekoaren finalean da Errenteria
Finalerdietan Debaren kontra irabazita, finala jokatuko dute larunbatean, hilak7, Andoainen kontra Ordiziako Beti Alai pilotalekuan.
Eskisabel eta Ruben argazkiaren eskuinean.EPLE Errenteria Andoain, Andoain Errenteria. Asteburuan eta zehazkiago larunbatean, hilak 7, erabakiko da zeinek jantziko dituen Herriartekoaren txapelka. Lan handia egiten ari da Errenteria taldea lehian, eta hala erakutsi du joan den asteburuan ere Debaren kontra irabazita. Paleta zein Pala Motzean garaipena Errenteriarentzat joan den ostiralean Agustina Otaola pilotalekuan jokatutako finalerdikoan.
Larruzko Paletan 35-12 irabazi zuten Eskisabelek eta Rubenek; Pala Motzean ere garaipena Yorelek eta Abelek, aski izerditu eta sufritutakoa. 40-36 utzi zuten markagailua, eta 2021, 2022 eta 2024aren antzera, Errenteria eta Andoain izango dira aurrez aurre finalean.
Larunbatean jokatuko da hori, 18:15ean hasita Ordiziako Beti Alai pilotalekuan.
Andoaingoa talde indartsua dela jarri dute nabarmen Errenteriakoek, “pilotari beteranoak eta gazteak nahasi ditu taldean, Altuna eta Iradi eta Muniain, Ponce eta Alkorta ari dira herriartekoan”. Ez dute erraza izango lana txapelak etxera ekartzeko Errenteriakoek, baina orain arte egindako bidetik segitzen badute aukera handi-handiak dituzte titulua jarraian bigarren urtez eskuratzeko.
