Etxetxoren Sorotxoko ekitaldia, bideoan
Trabajadoreen Sorotxo eremuko zuloak ezagutarazteko ekitaldia egin zuen maiatzaren 18an Etxetxok. Horren bideoa egin du.
Maiatzaren 18an egin zuen Etxetxok Sorotxoko trabajadoreen lo egiteko zuloak ezagutarazteko ekitaldia. Aldi berean, hildako hamazazpi esklaboen izen-abizenekin plaka jarri zuten Jaizkibelgo eremu horretan. Frankismoak bortxazko esklaboak erabili zituen, haien alde ez zeudenak mendekatzeko. Herri lanak egin zituzten baldintza ankerretan. 5.000 bat izan ziren Lezok jaso zituen trabajadoreak. Hasieran, Lezoko hainbat eremutan lo egiten zuten bortxazko langile errepresaliatu haiek; horien kopuruak gora egin, eta Jaizkibelgo Sorotxoko eremuan zuloak egin zituzten gauean atseden hartzeko; 2-4 kide artean sartzen ziren hobi horietan.
Maiatzaren 18an zulo horiek, 85 bat denera azalerazteko ekitaldia egin zuen Sorotxoko eremuan. Gainera, herrian hil ziren hamazazpi trabajadoreen (frogatuta dauden kasuak dira horiek) omenezko plaka ere ezarri zen. Dantzariak, musika, bertsolariak, eta jende asko. Memoria historikorako gune da jada Sorotxo, Etxetxori esker. Lezoko eragileak ekitaldi haren bideoa egin du. Ondokoa da.
