Astelehenean odola emateko aukera dute lezoarrek
Anbulatorioan eman ahalko dute odola hala nahi dutenek, 17:30etik 21:00etara. Aurrez txanda hartu behar da.
Lezoko odol emaileen taldeak odola ematera deitu dituzte herritarrak hilaren 16rako (astelehena). Hala, elkartasun keinua egin nahi dutenek anbulatoriora joan behar dute, 17:30etik 21:00etara.
Aurrez txanda hartu behar dela jakinarazi dute herriko odol emaileen taldekoek. Hala, astelehen goizean 943 00 78 85 telefono zenbakira dei daiteke erreserba egiteko. Bestela, Internetez ere txanda har daitekeela zehaztu dute. Astelehenean bertan har daiteke herriko saiorako webgune bidezko tokia.
Hala ere, aurrez tokia hartzerik izan ez dutenek badute odola emateko beste aukera bat. Saioa bitartean anbulatoriora joan daitezke, eta han galdetu eta tarteren bat libre dagoen.
