Berritasunekin dator Piztu Lezoren 3x3 Gara
Uztailaren 8- 10-14 eta 17an jokatuko da hirukotekako saskibaloi txapelketa. Taldeek txartel bereziak eskuratu ahal izango dituzte, jokoan hainbat abantaila lortzeko.
Saskibaloiko VII. 3×3 Herri Txapelketa, edo 3×3 Gara, iritsi da. Piztu Lezok jada eman ditu herri lehiaren gaineko azalpenak. Berritasunekin planteatu dute aurtengoa, emozioa indartu nahian. Lezotarra tabernaren ondoko saski bakarreko kantxan uztailaren 8, 10, 14 eta 17an jokatuko dituzte partidak, eta izena emateko aukera uztailaren 6ra arte da zabalik, Tiñelu tabernan.
Izena taldeka edo bakarka eman daiteke; bakarrik apuntatzeren direnen kasuan, antolatzaileak arduratuko dira haiek taldeetan kokatzeaz. Taldekideen artean baldintza bat: batek gutxienez lezoarra izan behar du. Uztailaren 6an bertan egingo dituzte partiden zozketak, 18:30ean.
Berritasun nabarmen batekin dator aurtengo 3×3. Partidak hasi aurretik, taldeek txartel bat aukeratu beharko dute. Zazpi ezberdin daude, eta txartel horietako seik abantailak emango dizkiete taldeei. Ondoko irudian daude txartel bakoitzaren ezaugarriak
