Gaurtik, udako ordutegia Manuel Lekuona bibliotekan
Astelehenetik ostiralera 9:00etatik 14:00etara egongo da irekita biblioteka, eta larunbatetan ez da aldaketarik egongo. Zenbait egunetan itxita egongo da.
Manuel Lekuona bibliotekak udako ordutegia izango du gaurtik abuztuaren 31ra bitartean.
Liburutegia goizez bakarrik egongo da irekita, astelehenetik ostiralera, 9:00etatik 14:00etara. Arratsaldean, ordea, itxita egongo da.
Larunbatei dagokienez, liburutegia ohiko ordutegian egongo da irekita, 9:00etatik 13:00etara, alegia.
Udalak jakinarazi duenez, biblioteka hilaren 25 eta 26an zein abuztuaren 2, 4, 15 eta 16an itxita egongo da.
